பிரசவத்திற்கு பிறகு தாய்மார்கள் ஆரோக்கியமாக இருக்க; தினமும் இந்த விஷயங்களை தவறாமல் பண்ணுங்க

தாய்மை என்பது ஒரு பெண்ணின் வாழ்வில் மிகப்பெரிய மாற்றத்தை ஏற்படுத்தும் ஒரு காலகட்டம். பெண்கள் கர்ப்பகாலம் முதல் பிரசவம் வரை பல்வேறு உடல் மற்றும் மன அழுத்தங்களை சந்திக்க வேண்டியிருக்கிறது. ஆனால் பிரசவத்திற்குப் பிறகு பெரும்பாலான தாய்மார்கள் குழந்தை பராமரிப்பில் மட்டுமே கவனம் செலுத்தி, தங்கள் உடல் ஆரோக்கியத்தை புறக்கணிக்கின்றனர். இது நீண்டகாலத்திற்கு உடல்நலப் பிரச்சனைகளுக்கு வழிவகுக்கும். எனவே, தாய்மார்கள் குழந்தை பராமரிப்புடன் சேர்த்து தங்கள் உடல் நலனையும் கவனிக்க வேண்டும்.  

பிரசவம் பல பெண்களுக்கும் ஒரு பெரிய உடல் மாற்றத்தை ஏற்படுத்துகிறது. குழந்தை பிறந்த சமயத்தில் இருந்து முதல் சில வாரங்கள் வரை உடல் மிகவும் பலவீனமாகவும், காயங்கள் குணப்படும் நிலையிலும் இருக்கும். இந்தக் காலகட்டத்தில் சரியான உடற்பயிற்சி, ஊட்டச்சத்து மற்றும் ஓய்வு ஆகியவை முக்கியம். அந்த வரிசையில் முதன்முறை பிரசவித்த தாய்மார்களுக்கான 6 பயனுள்ள பிரசவத்துக்கு பிறகு உதவும் டிப்ஸ் குறித்து இந்த கட்டுரையில் பார்க்கலாம்.

மருத்துவரின் ஆலோசனையைப் பெறவும்:

பிரசவத்திற்குப் பிறகு எந்தவொரு உடற்பயிற்சியையும் தொடங்குவதற்கு முன் உங்கள் மருத்துவரின் ஆலோசனை பெறுவது அவசியம். சாதாரண பிரசவமாக இருந்தாலும் சீசரியன் பிரசவமாக இருந்தாலும், உங்கள் உடல் நிலைக்கு ஏற்றவாறு அவர் பரிந்துரைக்கும் நாட்களுக்குப் பிறகே பயிற்சியைத் தொடங்க வேண்டும். பொதுவாக 6 வாரங்களுக்குப் பிறகுதான் தீவிரமான பயிற்சிகளைத் தொடர மருத்துவர்கள் அனுமதிப்பார்கள்.

எளிய நடைப்பயிற்சி:

பிரசவத்திற்குப் பிறகு மிகவும் பாதுகாப்பான மற்றும் பயனுள்ள உடற்பயிற்சி இந்த நடைப்பயிற்சியாகும். முதலில் 5 அல்லது 10 நிமிடங்கள் மெதுவாக நடந்து, படிப்படியாக நேரத்தை அதிகரிக்கலாம். இது உடலில் இரத்த ஓட்டத்தை சீராக்கி, உடல் பலத்தை மீண்டும் பெற உதவுகிறது.

பெல்விக் தளம் பயிற்சிகளுக்கு முன்னுரிமை கொடுங்கள்:

பிரசவத்தின்போது பெல்விக் தள தசைகள் குறிப்பாக பலவீனமடைகின்றன. எனவே கெகல் பயிற்சிகள் (Kegel Exercises) மற்றும் பெல்விக் தளத்தை வலுப்படுத்தும் பிற பயிற்சிகளை தினமும் செய்ய வேண்டும். இது சிறுநீர் கட்டுப்பாட்டு பிரச்சினைகளை தடுக்கும்.

யோகா மற்றும் மூச்சு பயிற்சிகள்:

யோகா உடல் மற்றும் மன ஆரோக்கியத்திற்கு மிகவும் பயனுள்ளது. பிரசவத்திற்குப் பிறகு எளிதான யோகா ஆசனங்கள் (குழந்தைப் போஸ், பாலாசனம் போன்றவை) மற்றும் ஆழ்மூச்சு பயிற்சிகள் மன அழுத்தத்தை குறைக்க உதவுகின்றன.

புரதம் மற்றும் ஊட்டச்சத்து நிறைந்த உணவு:

உடற்பயிற்சியின் முழு பலனையும் பெற சரியான ஊட்டச்சத்து அவசியம். பால் பொருட்கள், முட்டை, பருப்பு வகைகள், பழங்கள் மற்றும் பச்சை காய்கறிகள் போன்றவற்றை உணவில் சேர்க்கவும். நீரிழிவை தடுக்க தேநீர் மற்றும் உப்பில்லாத தண்ணீர் போன்றவற்றை அதிகம் குடிக்கவும்.

மேலும் படிக்க: கர்ப்ப காலத்தில் அடிக்கடி வயிற்றில் அரிப்பு இருக்கா? உடனடி நிவாரணம் பெற இதை ட்ரை பண்ணுங்க

போதுமான ஓய்வு எடுத்துக்கொள்ளுங்கள்:

பிரசவத்திற்குப் பிறகு உடல் முழுமையாக குணமடைய சரியான ஓய்வு அவசியம். குழந்தையின் தூக்க நேரங்களுக்கு ஏற்ப நீங்களும் உறங்க முயற்சிக்கவும். அதிகப்படியான உடற்பயிற்சி செய்வதை தவிர்த்து, உங்கள் உடலுக்கு போதுமான ஓய்வு நேரம் கொடுக்கவும்.

பிரசவத்திற்குப் பிறகு உடல் பலத்தை மீண்டும் பெற சிறு சிறு படிகளில் தொடங்குவது நல்லது. மருத்துவரின் ஆலோசனை, சீரான உணவு மற்றும் போதுமான ஓய்வு ஆகியவற்றுடன் உடற்பயிற்சிகளை செய்தால், விரைவாக பிரசவத்திற்கு முன்பு இருந்த உடல் நிலைக்குத் திரும்பலாம்.

Image source: googl