நீதா அம்பானியின் கார் விலை இவ்வளவா? இந்தியாவிலேயே இவரிடம் மட்டும் தான் இந்த ஆடி கார் உள்ளது!

இந்தியாவில் பணக்காரர்கள் என்றாலே நம் நினைவுக்கு வருவது அம்பானியின் குடும்பம் தான். குறிப்பாக, தொழிலதிபர் முகேஷ் அம்பானியின் ஆடம்பர வாழ்க்கை முறை, மும்பையில் உள்ள அவரது விலையுயர்ந்த ஆன்டிலியா வீடு மற்றும் அவரது கார் கலெக்‌ஷன் குறித்து நாம் அறிந்திருக்கிறோம். அந்த வகையில், நீதா அம்பானியின் கார் கலெக்‌ஷனில் புது வரவாக ஒரு விலை உயர்ந்த கார் இணைந்துள்ளது.

நீதா அம்பானியின் ரூ. 100 கோடி மதிப்புள்ள கார்:

ஆடி ஏ9 கேமிலியன் (Audi A9 Chameleon) என்ற காரின் மதிப்பு ரூ. 100 கோடி ஆகும். இந்த கார் மொத்தமாக உலக அளவில் 11 யூனிட்கள் மட்டுமே விற்பனை செய்யப்பட்டுள்ளது. புதுமைக்கும், நேர்த்திக்கும், ஆடம்பரத்துக்கும் ஒரு சிறந்த எடுத்துக்காட்டாக இந்த கார் விளங்குகிறது. இந்தியத் தொழில்துறையின் மிக முக்கியமான பெண்மணிகளில் ஒருவராக விளங்கும் நீதா அம்பானி, இந்தக் காரை வாங்கி இருப்பது கூடுதல் கவனம் பெற்றுள்ளது.

ரூ. 100 கோடி காரின் சிறப்பம்சங்கள்:

இந்த கார், வெறும் வாகனம் மட்டுமல்ல, ஒரு தொழில்நுட்ப அதிசயமாகும். இதன் நிறம் மாறும் வண்ணப்பூச்சுத் தொழில்நுட்பம் (colour-changing paint technology) இதை தனித்துவமாக்குகிறது. ஒரு பட்டனைத் தட்டுவதன் மூலம் காரின் நிறத்தை மாற்றிக்கொள்ள முடியும். இந்த அம்சம், காரின் தன்மையை மேலும் அதிகரிக்கிறது.

இதன் வடிவமைப்பு ஒரு விண்கலத்தை போல தோற்றமளிக்கிறது. காரின் முன்பக்க கண்ணாடி மற்றும் கூரை ஆகியவை ஒரே துண்டாக வடிவமைக்கப்பட்டுள்ளன. மேலும், ஐந்து மீட்டர் நீளமும், இரண்டு கதவுகளும் கொண்ட இதன் வடிவமைப்பு, சாலைகளில் அனைவரின் கவனத்தையும் ஈர்க்கிறது.