உகாதி திருநாளில் வீட்டு வாசல் ஜொலிப்பதற்கு போடக்கூடிய எளிதான 5*3 கோலம், 3*2 கோலம்

தெலுங்கு வருடப்பிறப்பு கோலங்கள்

5*3 உகாதி கோலம்

• இது ஒரு 5*3 புள்ளி உகாதி பண்டிகை கோலம், அதாவது 5 வரிசை மற்றும் 3 நெடுவரிசையில் புள்ளிகள் வைத்து போடப்படும் எளிய உகாதி பண்டிகை மற்றும் தெலுங்கு வருடப்பிறப்பு கோலம்.
• 3வது நெடுவரிசையில் தொடங்கி அடுத்தடுத்த புள்ளிகளை அரை வட்டத்தில் இணைத்து பூ அமைப்பினை வரையவும்.
• அரை வட்டங்களின் வெளியே இலை இணைந்திருப்பது போல் வரையுங்கள். இப்போது உள்ளே 7 புள்ளிகள் மட்டுமே விடுபட்டு இருக்கும்.
• வரைந்த இலைகளில் பச்சை நிறத்தால் நிரப்பவும். அடர் பச்சை, வெளிர் பச்சை நிறங்களால் இலைகளை நிறமிடவும்.
• இலைகளுக்கு இடையே நெற்கதிர் தொங்குவது போல் வரைந்திடுங்கள்.
• இப்போது 2வது வரிசையில் 2 புள்ளிகளும், 3வது வரிசையில் 3 புள்ளிகளும், 4வது வரிசையில் 2 புள்ளிகளும் விடுபட்டு இருக்கும். இவற்றை இணைத்து ஒரு சிறிய பூ வரையவும்.
• பூவின் உள்ளே இளஞ்சிவப்பு நிறத்தை நிரப்பவும். நடுவே இருக்கும் புள்ளியை சுற்றி சூரியன் வரைத்து மஞ்சள் நிற பொடியினால் கோலமிடவும்.
• அடுத்ததாக அரை வட்டங்களில் உள்ளே சிறு சிறு சுருள் வரையவும். உள்ளே வரைந்த சிறிய பூவில் இலைகள் போல் இணைத்து மஞ்சள் நிறத்தால் நிரப்பவும்.
• இலைகளின் இடையே ஃ வைக்கவும். வெளியே நெர்கதிர் வரைந்த இடத்தில் மஞ்சள் நிறத்தில் பொட்டு வைத்து சிறு சிறு இதழ்கள் வரைந்து இளஞ்சிவப்பு நிறத்தால் நிரப்பினால் அழகான உகாதி கோலம் பளிச்சென தெரியும்.
• 5*3 புள்ளி கோலம் போடுவதற்கு நேரம் எடுக்கும் என நீங்கள் நினைத்தால் சிறிய அளவில் 3*2 புள்ளி கோலத்தை முயற்சிக்கலாம்.

மேலும் படிங்கபொங்கலுக்கு வீட்டு வாசலில் போட அழகான பானை கோலங்கள்; 4*6 புள்ளியில்

• மூன்று வரிசை மற்றும் இரண்டு நெடுவரிசையில் புள்ளிகள் வைக்கவும். 2வது வரிசையில் உள்ள 3வது புள்ளியையும் 3வது வரிசையில் உள்ள இரண்டாவது புள்ளியையும் வளைவான கோடு வரைந்து இணைக்கவும்.
• இதே போல 2வது வரிசையின் முதல் புள்ளியையும் 3வது வரிசையின் முதல் புள்ளியையும் வளைவான கோடு வரைந்து இணைக்கவும்.
• முதல் வரிசையின் இரண்டு புள்ளிகளையும் வளைவான கோடு வரைந்து இணையுங்கள்.
• வளைந்த கோடுகளின் வெளியே நத்தையின் முதுகு போல் சுருள் வரையுவும்.
• நடுவே உள்ள புள்ளியை கிராஸ் செய்யவும் வகையில் முன்று கோடு வரைந்தால் மூன்று முக்கோணங்கள் கிடைக்கும்.
• நடு புள்ளியில் இருந்து மூன்று முக்கோணத்திலும் தலா இரண்டு சிறிய தீக்குச்சி வரையவும்.
• அடுத்ததாக சுருள் வடிவத்தின் தொடக்கம் மற்றும் முடிவில் இருந்து வெளிப்புறம் வழியாக பாதி ஹார்ட் வரையவும்
• நடுப்புள்ளியில் மஞ்சள், குங்குமம் வைக்கவும். சுருள் வடிவத்தின் வெளியே பட்டாம்பூச்சியின் இறக்கை வரையவும். இலைகளின் இருபுறமும் தேனியீன் கொம்பு வரையுங்கள்.
• உள்ளே உங்களுக்கு பிடித்தமான நிறங்களை நிரப்பி வெளியே உகாதி வாழ்த்து என எழுதவும்.
• இடைவெளி இடத்தில் உள்ள இடத்தில் இருந்து மூன்று கோடு போட்டு. அக்கோடுகளை இலைகளாக மாற்றவும்.

இதுபோன்ற கட்டுரைகளுக்கு ஹெர் ஜிந்தகியுடன் தொடர்ந்து இணைந்திருங்கள்.