தோட்டத்தில் ரோஜாக்கள் வேகமாக பூத்து குலுங்கனுமா? வீட்டில் தயாரித்த இந்த உரங்களை பயன்படுத்துங்க

• வேப்ப விதை பொடி தாவரத்திற்கு போதுமான ஊட்டச்சத்தை வழங்குவதோடு மட்டுமல்லாமல் பூச்சிக் கொல்லியாகவும் செயல்படுகிறது.
• இதற்கு வேப்ப விதைகளை பொடியாக அரைத்து மண்ணில் தூவவும். வேப்ப விதைத் தூள் மண்ணின் அமைப்பு, காற்றோட்டம் மற்றும் நீர்ப்பிடிப்பு திறனை மேம்படுத்துகிறது.
• மேலும் வேப்ப விதையில் உள்ள அசாடிராக்டின் சக்தி வாய்ந்த பூச்சி விரட்டியாக செயல்படுகிறது.

• உருளைக்கிழங்கு மற்றும் எலுமிச்சை தோலின் உதவியுடன் ரோஜா செடிக்கு திரவ உரம் தயாரிக்கலாம்.
• முதலில் உருளைக்கிழங்கை சிறிய துண்டுகளாக வெட்டி ஒரு லிட்டர் தண்ணீரில் மூன்று நாட்கள் முடி ஊற வைக்கவும்.
• அதேபோல் பாட்டிலில் தண்ணீர் நிரப்பி அதில் எலுமிச்சை தோல்களை போட்டு மூன்று நாட்கள் மூடி ஊற வைக்கவும்.
• மூன்று நாட்களுக்குப் பிறகு ஒரு பாத்திரத்தில் இரண்டு லிட்டர் சுத்தமான தண்ணீரை ஊற்றி அதில் உருளைக்கிழங்கு மற்றும் எலுமிச்சை தோல் கலவையை கலந்து வடிகட்டினால் திரவ உரம் தயார்.
• இதில் 30 மில்லி திரவ உரத்தை ரோஜா செடியின் வேர் பகுதியில் ஊற்றவும். இப்படி 15 நாள் இடைவெளியில் ஊற்ற வேண்டும். இந்த திரவ உரம் செடியில் ரோஜாக்களை வேகமாக துளிர்விட செய்யும்.

மேலும் படிக்க:புதர் போல புதினா இலைகள் துளிர்த்து வளர்வதற்கு இதை மட்டும் பண்ணுங்க

• முட்டையின் வெள்ளைக்கரு மற்றும் மஞ்சள் கரு மனிதர்களுக்கு சத்தானது போல் முட்டை ஓடுகள் தாவரங்களுக்கு சத்தானவை.
• முட்டை ஓடுகளை உடைத்து, பொடியாக அரைத்து ரோஜா செடியின் மண்ணின் மேற்பரப்பில் தூவி விடுங்கள்.
• முட்டை ஓடுகளில் உள்ள கால்சியம், ஃப்ளோரின் மற்றும் ஸ்ட்ரோண்டியம் உள்ளிட்ட ஊட்டச்சத்துக்கள் ரோஜா செடியை ஆரோக்கியமாக வைத்திருப்பதோடு அதன் வளர்ச்சிக்கும் உதவும்.