இரவு தூங்குவதற்கு முன் ஒரு கைப்பிடி அளவு பிஸ்தா சாப்பிடுவதில் இவ்வளவு நன்மைகளா!

இரவு சரியாக தூக்கம் வரவில்லையா?

இரவு முழுவதும் தூக்கம் வர காத்திருக்கிறீர்களா?

இதை சரி செய்வதற்கான ஒரு சிறந்த வழி பிஸ்தாவை உங்கள் உணவில் சேர்த்துக் கொள்வது தான். இது உங்களுக்கு சற்று விசித்திரமாக தோன்றலாம். ஆனால் உண்மையில் பிஸ்தா சாப்பிடுவது நல்ல தூக்கத்தை பெற உதவும். இதைப் பற்றி மேலும் அறிய பதிவை தொடர்ந்து படிக்கவும்.

ஆழ்ந்த தூக்கத்தை பெற பிஸ்தா எவ்வாறு உதவும்? இது குறித்த தகவல்களை ஆயுர்வேத நிபுணர் தீக்ஷா பவ்சர் அவர்கள் தனது இன்ஸ்டாகிராம் பக்கத்தில் பகிர்ந்துள்ளார். நமது தூக்கம் விழிப்பு சுழற்ச்சியை கட்டுப்படுத்துவதில் மெலடோனின் எனும் ஹார்மோன் முக்கிய பங்கு வகிக்கிறது. மற்ற உலர் பழங்களை காட்டிலும் பிஸ்தாவில் அதிக மெலடோனின் உள்ளது. இந்த ஹார்மோன் வெளியிடப்படும் போது, அது தூங்குவதற்கான நேரம் என்று மூளைக்கு செய்தி அனுப்புகிறது.

இந்த பதிவும் உதவலாம்:நீங்கள் அறிந்திடாத சுக்கின் ஆரோக்கிய நன்மைகள்

ஆழ்ந்த தூக்கத்திற்கு பிஸ்தா

விரைவில் தூக்கம் வர, நீண்ட நேரம் தூங்க மெலடோனின் உதவுகிறது. இது தூக்கத்தின் தரத்தையும் மேம்படுத்துகிறது. உடல், மன ஆரோக்கியம் மற்றும் ஆட்டோ இம்யூன் தொடர்பான பிரச்சனைகளை குணப்படுத்துவதற்கு நல்ல தூக்கம் அவசியமானது.

மேலும் பிஸ்தாக்களை சாப்பிடுவதன் மூலம் மெக்னீசியம், வைட்டமின் B6 போன்ற ஊட்டச்சத்துக்களையும் பெறலாம் என நிபுணர் குறிப்பிட்டுள்ளார். இதில் உள்ள மெக்னீசியம் விரைவில் தூங்குவதற்கு மட்டுமின்றி, ஆழ்ந்த தூக்கத்தை பெறவும் உதவுகிறது. மேலும், டிரிப்டோபான் மற்றும் செரோடோனின் வெளியீடுக்கு வைட்டமின் B6 முக்கியமாக தேவைப்படுகிறது. இவை நம்மை மகிழ்ச்சியாக வைத்திருப்பதிலும், மனநிலையை மேம்படுத்துவதிலும் முக்கிய பங்கு வகிக்கின்றன.

ஆயுர்வேதத்தின் படி, பிஸ்தா வெப்பமான விளைவை கொண்டுள்ளது. பிஸ்தா கவலை, தூக்கமின்மை மற்றும் உடல் பருமனால் பாதிக்கப்பட்டவர்களுக்கு சிறந்தது. இது தூக்கத்தை மேம்படுத்துகிறது. பிஸ்தா சாப்பிடுவது மூளை மற்றும் இதய ஆரோக்கியத்திற்கு மிகவும் நல்லது.

இந்த பதிவும் உதவலாம்: கழுத்தை சுற்றியுள்ள கருமை ஒரு தீவிர நோயின் அறிகுறியா !

பிஸ்தாவில் உள்ள மற்ற சத்துக்கள்

வயது கூடும் பொழுது உடலில் மெலடோனின் ஹார்மோன் உற்பத்தி குறையலாம். இது தூக்கமின்மை போன்ற பிரச்சனைகளுக்கு வழிவகுக்கும். இதிலிருந்து விடுபட பிஸ்தா உதவும். இதனுடன் பிஸ்தாவில் பின்வரும் ஊட்டச்சத்துக்களும் நிறைந்துள்ளன.

• வைட்டமின் B6

• பொட்டாசியம்

• மாங்கனீசு

• பாஸ்பரஸ்

• செம்பு

• தியாமின்

மேற்கூறிய ஊட்டச்சத்துக்கள் யாவும் உடல் ஆரோக்கியத்திற்கு நன்மை பயிக்கின்றன.

பிஸ்தாவின் மற்ற நன்மைகள்

• எடை இழப்புக்கு உதவியாக இருக்கும்

• இரத்த சர்க்கரை அளவை கட்டுப்படுத்தும்

• நல்ல குடல் பாக்டீரியாக்களை மேம்படுத்துகிறது.

• கொலஸ்ட்ராலை குறைக்கும்

இந்த நன்மைகள் அனைத்தும் ஆழ்ந்த தூக்கத்தைப் பெற உதவும்.

எனவே இரவில் தூக்கம் இன்மை அல்லது நல்ல தூக்கம் இல்லாமல் சிரமப்படுபவர்கள், மெக்னீசியம் மற்றும் மெலடோனின் மாத்திரைகளுக்கு பதிலாக தூங்குவதற்கு ஒரு மணி நேரத்திற்கு முன் ஒரு கைப்பிடி அளவு பிஸ்தாவை சாப்பிடலாம்.

இந்த தகவல் உங்களுக்கு நிச்சயம் பயனுள்ளதாக இருந்திருக்குமென நம்புகிறோம். இந்த பதிவு பிறருக்கும் பயன்பெற இதனை பகிரலாமே. மேலும் லைக் செய்யவும், பதிவு குறித்த உங்கள் கருத்தினை கமெண்ட் செய்யவும். ஹெர்ஷிந்தகி தமிழ் பக்கத்தில் இணைவதன் மூலமாக தொடர்ந்து பயனுள்ள பதிவை காணலாம்.

image source:freepik