உடலை ஆரோக்கியமாக வைத்திருக்க இந்த 5 நட்ஸ்களையும் ஊறவைத்து சாப்பிடுங்கள்!

நட்ஸ் சுவையானவை மட்டுமல்ல, இது உடலுக்கும் நல்லதும் கூட. நட்ஸில் ஒமேகா-3 கொழுப்பு அமிலங்கள், வைட்டமின்கள் மற்றும் தாதுக்கள் நிறைந்துள்ளன. இவற்றை சாப்பிடுவதால் உங்களுக்கு உடனடி ஆற்றல் கிடைக்கும். மேலும் இதில் இரும்புச்சத்து, நார்ச்சத்து மற்றும் ஃபோலிக் ஆசிட் போன்ற நுண்ணுயிர் ஊட்டச்சத்துக்களும் காணப்படுகின்றன. எலும்புகளின் பலவீனத்தை போக்கவும், இருதய நோய், முடி உதிர்வு, எடை அதிகரிப்பு, மனநலம் சார்ந்த பிரச்சனைகள், தசை பலவீனம் போன்றவற்றை தடுக்கவும் நட்ஸ் சாப்பிடலாம்.

இதில் இத்தனை நன்மைகள் இருந்தாலும், நட்ஸ் சாப்பிடுவதற்கான சரியான முறையையும் தெரிந்திருக்க வேண்டும். அந்த வகையில் உடல் ஆரோக்கியத்தை பாதுகாக்க கூடிய ஐந்து நட்ஸ்களை பற்றி பார்க்கப் போகிறோம். இந்த நட்ஸ்களை இரவு முழுவதும் தண்ணீரில் ஊற வைத்து மறுநாள் காலையில் சாப்பிட வேண்டும். இந்த தகவல்களை ஆயுர்வேத நிபுணரான தீக்ஷா பவ்சர் அவர்கள் தனது இன்ஸ்டாகிராம் பக்கத்தில் பகிர்ந்துள்ளார்.

இந்த பதிவும் உதவலாம்: முகத்தில் உள்ள கொழுப்பை குறைக்க எளிய குறிப்புகள்

நிபுணரின் கருத்துப்படி பெண்கள் தங்களுடைய நாளை இது போன்ற ஊற வைத்த நட்ஸ் உடன் தொடங்கும் பொழுது அன்றைய நாள் முழுவதும் அவர்கள் ஆற்றலுடன் செயல்படலாம். இது உடலில் இரும்புச் சத்தை அதிகரிப்பதோடு மட்டுமின்றி குடல் ஆரோக்கியத்தையும் பாதுகாக்கும். இதை சாப்பிட்டு வர இரவு நல்ல தூக்கத்தை பெறலாம். மேலும் இவை உங்கள் சருமம் மற்றும் கூந்தலை ஆரோக்கியமாகவும் பளபளப்பாகவும் மாற்றும்.

கருப்பு உலர் திராட்சை

கருப்பு திராட்சையில் உள்ள ஆன்டி ஆக்ஸிடன்ட்கள் சருமம் மற்றும் முடியின் ஆரோக்கியத்திற்கு நன்மை பயக்கின்றன. மேலும் இதில் நிறைந்துள்ள இரும்புச்சத்து கருப்பையில் இரத்த ஓட்டத்தை சீராக வைத்துக் கொள்ள உதவுகின்றன.

பாதாம்

பாதாமில் புரதம், நார்ச்சத்து, வைட்டமின் E, கால்சியம், செம்பு, மெக்னீசியம், ரிபோஃப்ளேவின், இரும்புச் சத்து, பொட்டாசியம், துத்தநாகம் மற்றும் வைட்டமின் B போன்ற சத்துக்கள் நிறைந்துள்ளன. இவை கொலஸ்ட்ராலை குறைக்கவும், இரத்த அழுத்தத்தை கட்டுப்படுத்தவும், மூளையை ஆரோக்கியமாக வைத்துக் கொள்ளவும் உதவும். இதில் உள்ள பண்புகள் இரத்த சர்க்கரையின் அளவை கட்டுப்படுத்தவும், புற்றுநோயின் அபாயத்தை குறைக்கவும் உதவுகின்றன.

பேரிச்சம்பழம்

பேரிச்சம் பழத்தில் செலினியம், மாங்கனிசு, மெக்னீசியம் மற்றும் இரும்புச் சத்துக்கள் நிறைந்துள்ளன. இதை சாப்பிடுவதால் உடலுக்கு உடனடி ஆற்றலும், இரவில் நல்ல தூக்கமும் கிடைக்கும். இதனுடன் சரும பொலிவும், எலும்புகளின் ஆரோக்கியமும் மேம்படும்.

பிஸ்தா

பிஸ்தாவில் ஆரோக்கியமான கொழுப்புகள், நார்ச்சத்து, புரதம், வைட்டமின் B6 மற்றும் தயாமின் நிறைந்துள்ளன. இவை கண்கள் மற்றும் குடல்களின் ஆரோக்கியத்தை பராமரிக்க உதவும். பிஸ்தாவை இரவில் சாப்பிடுவதால் நல்ல தூக்கம் வரும் இதனுடன் புற்றுநோயின் அபாயத்தையும் குறைக்கலாம்.

அக்ரூட் பருப்புகள்

இதில் ஆன்டி ஆக்ஸிடன்ட்கள் மற்றும் ஒமேகா-3 கொழுப்பு அமிலங்கள் நிறைந்துள்ளன. இது வீக்கத்தை குறைக்கவும், மூளை மற்றும் குடலை ஆரோக்கியமாக வைத்துக் கொள்ளவும் உதவும்.

சாப்பிடும் முறை

ஆயுர்வேதத்தின்படி நட்ஸ் வகைகளை ஊற வைத்த பின் சாப்பிடுவது நல்லது. இவ்வாறு ஊறவைத்து சாப்பிடுவதால் ஜீரணம் எளிதாகும். நட்ஸ்களை குறைந்தது 6 முதல் 8 மணி நேரமாவது ஊற வைக்க வேண்டும்.

சாப்பிடும் நேரம்

காலையில் வெறும் வயிற்றில் அல்லது காலை/மாலை நேர சிற்றுண்டியாக சாப்பிடலாம். இது பசியைக் கட்டுப்படுத்த உதவும்.

எவ்வளவு நட்ஸ் சாப்பிடலாம்

நட்ஸில் 80 சதவீதம் கொழுப்பு உள்ளது. எனவே இவற்றை அதிகமாக சாப்பிடுவதால் அஜீரணம், உடல் சூடு, வயிற்றுப்போக்கு, எடை அதிகரிப்பு, பசியின்மை போன்ற பிரச்சினைகள் ஏற்படலாம். இதனை சரியான அளவுகளில் எடுத்துக்கொள்ள வேண்டியது அவசியம். நல்ல செரிமானம் உள்ளவர்கள், தினமும் உடற்பயிற்சி செய்பவர்கள், போதிய அளவு தண்ணீர் குடிப்பவர்கள் மற்றும் எவ்வித நோயும் இன்றி ஆரோக்கியத்துடன் இருப்பவர்கள் தினமும் ஒரு கைப்பிடி அளவு நப்ஸ் சாப்பிடலாம்.

இந்த பதிவும் உதவலாம்: நிரந்தரமாக உடல் எடை குறைய இந்த 3 விஷயங்களை பின்பற்றுங்கள்

இந்த தகவல் உங்களுக்கு நிச்சயம் பயனுள்ளதாக இருந்திருக்குமென நம்புகிறோம். இந்த பதிவு பிறருக்கும் பயன்பெற இதனை பகிரலாமே. மேலும் ஹெர்ஷிந்தகி தமிழ் பக்கத்தில் இணைவதன் மூலமாக தொடர்ந்து பயனுள்ள பதிவை காணலாம்.

image source:freepik