குழந்தைகள் முதல் பெரியவர்கள் வரை அனைவரும் விரும்பி சாப்பிடும் ஒரு உணவு பொருள் இந்த தேன். இந்த தேனை நாம் தினசரி உணவில் சேர்த்து சாப்பிடுவது வழக்கம். தினசரி காலையில் வெறும் வயிற்றில் ஒரு கிளாஸ் வெதுவெதுப்பான தண்ணீரில் அரை டேபிள் ஸ்பூன் தேன் கலந்து குடித்து வந்தால் நம் உடலுக்கு ஏராளமான ஆரோக்கிய நன்மைகள் கிடைக்கும். காலையில் மட்டுமல்லாமல் ஒரு நாளைக்கு குறைந்தது ஐந்து அல்லது ஆறு முறை ஆவது சுடு தண்ணீரில் தேன் கலந்து குடித்து வந்தால் உடலுக்கு நல்ல பலன் கிடைக்கும். அதே போல உணவு உண்ட பிறகு இந்த தேன் கலந்த தண்ணீரை குடித்து வந்தால் உணவு செரிமானம் எளிதாகி உடலுக்கு ஆற்றல் அதிகரிக்கும். தினசரி வெறும் வயிற்றில் தேன் கலந்த தண்ணீர் குடிப்பதால் நம் உடலுக்கு ஏற்படும் ஆரோக்கிய நன்மைகள் குறித்து இந்த கட்டுரையில் பார்க்கலாம்.
தினசரி காலை வெறும் வயிற்றில் ஒரு கிளாஸ் வெதுவெதுப்பான தண்ணீர் ஒரு டேபிள் ஸ்பூன் தேன் கலந்து குடித்து வந்தால் நம் இதய ஆரோக்கியம் மேம்படும். நம் உடலில் உள்ள ரத்தத்தின் சிவப்பணுக்கள் எண்ணிக்கை அதிகரிப்பதன் மூலம் இந்த தேன் நம் இதயத்தை பலப்படுத்த உதவுகிறது. தினமும் தேன் கலந்த வெதுவெதுப்பான தண்ணீர் குடித்து வந்தால் நம் இதயம் சீராக இயங்கும் மற்றும் உடலுக்கு தேவையான ரத்த ஓட்டம் கிடைக்கும். அதே போல நம் உடலில் உள்ள ரத்தத்தில் இருக்கும் நச்சுக்களை வெளியேற்ற தேன் பெரிதும் உதவுகிறது. இதனால் உங்கள் ரத்தம் தூய்மையாக மாற உதவும்.
நம் உடலில் உள்ள கல்லீரல் செயல்பாட்டை தூண்டுவதற்கு இந்த தேன் பெரிதும் உதவுகிறது. கிளைக்கோஜன் உருவாக்கத்திற்கும் நம் உடலில் உள்ள நச்சுப் பொருட்களை வெளியேற்றவும் கல்லீரலுக்கு உதவி செய்கிறது இந்த தேன். மேலும் இது குடல் சார்ந்த நோய்கள் ஏற்படும் அபாயம் குறைய தேன் பெரிதும் உதவுகிறது. குடல் வீக்கம், மலச்சிக்கல் போன்ற குடல் சார்ந்த பிரச்சினைகள் ஏற்படாமல் இது தடுக்க உதவுகிறது.
நம்மில் பலருக்கும் பல நேரங்களில் பசி எடுக்காமல் போய்விடும். உங்களுக்கு பசி அதிகரிக்க தினசரி தேன் கலந்து தண்ணீரை குடித்து வரலாம். இது நம் உடலில் உள்ள கழிவு பொருட்களையும் நச்சுப் பொருட்களையும் எளிதாக வெளியேற்ற உதவுகிறது. மேலும் வாயு பிரச்சனைகளை சரி செய்து உடலுக்கு தேவையான ஆற்றலை அளிக்க இந்த தேன் உதவுகிறது. தினசரி உணவில் தேன் கலந்து சாப்பிட்டு வந்தால் நம் உடலில் நோய் எதிர்ப்பு சக்தி அதிகரிக்கும். இதனால் தொற்று நோய்கள் ஏற்படும் அபாயம் குறையும். சளி, இருமல் காய்ச்சல் போன்ற நோய்களுக்கு தேன் ஒரு சிறந்த மருந்தாக விளங்குகிறது.
Image source: google
Herzindagi video
உங்களைப்போலவே, உங்கள் சருமமும், உடலும் வித்தியாசமானது. எங்களின் பதிவுகள் மூலமாகவும், சமூக ஊடக சேனல்கள் மூலமாகவும் பகிரப்படுபவை யாவும் நம்பத்தகுந்ததாகவும், நிபுணர்களால் சரிபார்க்கப்பட்டதாகவும் இருப்பதை உறுதி செய்ய அனைத்து நடவடிக்கைகளையும் எடுக்கிறோம். இருப்பினும், எந்தவொரு வீட்டு வைத்தியம், டிப்ஸ் அல்லது ஃபிட்னஸ் டிப்ஸ் போன்றவற்றை முயல்வதற்கு முன்பு மருத்துவரின் ஆலோசனை அவசியம். ஏதேனும் கருத்து தெரிவிப்பதற்கு அல்லது புகார்களுக்கு எங்களை தொடர்புக்கொள்ளவும். [email protected]