reduce cholesterol : கொலஸ்ட்ராலை குறைக்கும் சட்னி ரெசிபி

சமசீரற்ற உணவு, குறைந்த உடல் செயல்பாடுகள் போன்ற வாழ்க்கை முறை மாற்றத்தால், பலரும் கொலஸ்ட்ரால் பிரச்சனையால் அவதிப்படுகிறார்கள். இருந்த இடத்தில் இருந்தப்படியே, தேவையான அனைத்து விஷயங்களையும் பெறக்கூடிய தொழில்நுட்ப வளர்ச்சிகள் நம் உடல் செயல்பாடுகளை குறைத்துவிட்டன. மேலும் பரபரப்பான வாழ்க்கை சூழல் நம்மை பாஸ்ட் ஃபுட் உணவுகளுக்கு அடிமையாகிவிட்டது.

கொலஸ்ட்ரால் என்பது நம் உடலை கொஞ்சம் கொஞ்சமாக அழிக்கக்கூடிய ஒரு தீவிரமான பிரச்சனையாகும். இதை நமது உடலின் மறைமுக எதிரி என்றும் சொல்லலாம். இது வயதானவர்களுக்கு மட்டுமே ஏற்படும் என்ற நிலை மாறி 25 வயதுடைய இளம் வயதினரையும் பாதிக்கும் சூழல் உருவாகியுள்ளது. இந்நிலையில் இது போன்ற பிரச்சனைகளை சமாளிக்க என்ன செய்யலாம்?

கொலஸ்ட்ரால் பிரச்சனையிலிருந்து விடுபடுவதற்கான ஒரு சட்னி செய்முறையை, மிஸ் இந்தியா போட்டியாளர்களுக்கு பயிற்சி அளிக்கும் உணவியல் நிபுணரான அஞ்சலி முகர்ஜி அவர்கள் தனது இன்ஸ்டாகிராம் பக்கத்தில் பகிர்ந்துள்ளார். உணவில் ஒரு சில மாற்றங்களை செய்வதன் மூலம் கொலஸ்ட்ராலை எளிதில் குறைத்திடலாம் எனவும் அவர் குறிப்பிட்டுள்ளார்.

கொலஸ்ட்ரால் கல்லீரலையும் பாதிக்கும்

நாம் சாப்பிடும் ஒரு சில உணவுகள் உடலின் கெட்ட கொலஸ்ட்ரால் அளவுகளை பாதிக்கின்றன, இதனால் கல்லீரலும் பாதிப்படையலாம் என அஞ்சலி அவர்கள் குறிப்பிட்டுள்ளார். இது மாரடைப்பு, பக்கவாதம் போன்ற பல உடல்நலப் பிரச்சினைகளை ஏற்படுத்தும். ஆரோக்கியமான உணவுப் பழக்கத்தின் மூலம் கொலஸ்ட்ராலை இயற்கையாகவே குறைத்திடலாம்.

கொலஸ்ட்ராலை குறைக்க சட்னி

கொலஸ்ட்ராலை குறைக்க விரும்புபவர்கள் பின்வரும் சட்னியை முயற்சி செய்து பார்க்கலாம்.

தேவையான பொருட்கள்

• கொத்தமல்லி இலைகள் - 50 கிராம்

• புதினா - 20 கிராம்

• பச்சை மிளகாய் - காரத்திற்கு ஏற்ப

• பூண்டு - 20 கிராம்

• ஆளி விதை எண்ணெய் - 15 கிராம்

• இசப்கோல் - 15 கிராம்

• உப்பு - தேவையான அளவு

• எலுமிச்சை சாறு - 10 மில்லி

• தண்ணீர் - தேவையான அளவு

மேற்கூறிய அனைத்து பொருட்களையும் மிக்ஸி ஜாரில் சேர்த்து நன்றாக அரைத்து கொள்ளவும்.

கொத்தமல்லி மற்றும் புதினாவின் நன்மைகள்

இவ்விரண்டு பொருட்களிலும் குளோரோபில் மற்றும் நார்ச்சத்து அதிகம் உள்ளது. நம் சமையலறையில் எளிதாக கிடைக்கக்கூடிய இந்த இரண்டு மூலிகைகளை கொண்டு கொலஸ்ட்ராலின் அளவை குறைக்கலாம்.

பூண்டின் நன்மைகள்

பூண்டு இரத்த நாளங்களை உருவாக்க உதவுகிறது, இது ஆரோக்கியத்திற்கு மிகவும் நல்லது. மேலும் இதில் உள்ள இரத்தத்தை மெலிதாக்கும் திறன் கொலஸ்ட்ராலை குறைக்க உதவுகிறது.

இந்த பதிவும் உதவலாம்: பாகற்காயின் பக்க விளைவுகள்

இசப்கோலின்(Isabgol) நன்மைகள்

இது குடல் இயக்கத்திற்கு மிகவும் நல்லது. இசப்கோல் கொலஸ்ட்ராலை குறைக்க உதவுகிறது. இது பித்த அமிலங்களை பிணைப்பதோடு மட்டுமின்றி சர்க்கரை அளவையும் கட்டுப்படுத்த உதவுகிறது.

ஆளி விதைகளின் நன்மைகள்

ஒமேகா 3 நிறைந்துள்ள ஆளி விதைகள் கொழுப்பைக் குறைக்க உதவுகிறது. மேலும் இது இரத்த சர்க்கரையின் அளவையும் கட்டுப்படுத்துவதால் சர்க்கரை நோயாளிகளுக்கும் ஏற்றது.

இந்த பதிவும் உதவலாம்: செம்பருத்தி பூக்களின் பயன்கள்

கொலஸ்ட்ரால் பிரச்சனை உள்ளவர்கள் தங்கள் உணவு முறையில் மாற்றத்தை ஏற்படுத்துவதற்கு முன் மருத்துவரை ஆலோசனை செய்வது நல்லது. உங்கள் கொலஸ்ட்ரால் அளவுகளை பொறுத்து மருத்துவர் உங்களுக்கு ஏற்ற சிறந்த ஆலோசனைகளை வழங்குவார்.

இந்த தகவல் உங்களுக்கு நிச்சயம் பயனுள்ளதாக இருந்திருக்குமென நம்புகிறோம். இந்த பதிவு பிறருக்கும் பயன்பெற இதனை பகிரலாமே. மேலும் லைக் செய்யவும், பதிவு குறித்த உங்கள் கருத்தினை கமெண்ட் செய்யவும். ஹெர்ஷிந்தகி தமிழ் பக்கத்தில் இணைவதன் மூலமாக தொடர்ந்து பயனுள்ள பதிவை காணலாம்.

image source:freepik