சிறுநீரக பிரச்சனையா? கவலைய விடுங்க.. இந்த 5 உணவுகளை சாப்பிட்டால் போதும்!

காலிஃபிளவர்:

இந்த காலிஃபிளவரில் வைட்டமின் கே சத்து, போலேட் மற்றும் நார்ச்சத்து நிறைந்துள்ளது. இதில் ஆக்சிஜனேற்ற பண்புகள் நிறைந்துள்ளதால் உங்கள் சிறுநீர் ஆரோக்கியத்தை மேம்படுத்த உதவும். சிறுநீரக பிரச்சனை உள்ளவர்கள் தாராளமாக இந்த காலிஃபிளவரை உணவில் சேர்த்து சாப்பிடலாம். உருளைக்கிழங்கு பொரியலில் இனி உருளைக்கு பதில் இந்த காலிஃபிளவரை சேர்த்து சமைத்து சாப்பிடுங்கள்.

ப்ளூபெர்ரி:

பெர்ரி பழங்கள் பொதுவாகவே சாப்பிட அதிக சுவையாக இருக்கும். இந்த நிலையில் உங்கள் சிறுநீரக ஆரோக்கியத்திற்கு உதவும் ஒரு சுவையான பழம் ப்ளூபெர்ரி. இதில் ஆக்சிஜினேற்ற பண்புகள் நிறைந்துள்ளதால் இதய நோய் மற்றும் சிறுநீரக பிரச்சனைகளில் இருந்து உங்களை பாதுகாக்க உதவும். அந்த வரிசையில் இந்த ப்ளூபெர்ரியை வெறுமனே சாப்பிடலாம் அல்லது மில்க்ஷேக் செய்து கூட குடிக்கலாம்.

முட்டை:

முட்டையின் வெள்ளை கருவில் புரதச்சத்து அதிகம் உள்ளது. இது பாஸ்பரஸ் அளவில் கம்மியாக இருப்பதால் சிறுநீரக ஆரோக்கியத்தை மேம்படுத்த உதவும். காலை வேளையில் முட்டையின் வெள்ளையை மட்டும் தனியாக சமைத்து சாப்பிடலாம் அல்லது மாலை ஸ்னாக்ஸ் போல கூட இந்த முட்டையை காய்கறிகளுடன் சேர்த்து சமைத்து சுவையாக சாப்பிடலாம்.

பூண்டு:

பல இந்திய உணவுகளில் இந்த பூண்டு முக்கிய பங்கு வகிக்கிறது. நாம் சமைக்கும் உணவில் பூண்டு சேர்ப்பது உணவு செரிமானத்திற்கு பெரிதும் உதவும். வைட்டமின் பி 6 சத்தின் சிறந்த மூலம் இந்த பூண்டு. உங்கள் உணவில் பூண்டு சேர்த்து சமைப்பதன் மூலம் செரிமான பிரச்சனைகளை தவிர்க்க முடியும். மேலும் இது ஆரோக்கியமான சிறுநீரகத்திற்கு வழிவகுக்கும்.

மேலும் படிக்க: தினசரி உணவில் சேர்க்க வேண்டிய கொழுப்பு நிறைந்த உணவுகள்; இப்படி சாப்பிட்டு பாருங்க

ஆலிவ் எண்ணெய்:

சிறுநீரக பிரச்சனை உள்ளவர்கள் வீட்டில் சமையலுக்கு இந்த ஆலிவ் எண்ணெயை பயன்படுத்தலாம். இதில் ஆரோக்கியமான கொழுப்பு வகைகள் மற்றும் வைட்டமின் ஈ சத்து நிறைந்துள்ளது. எனவே நீங்கள் உட்கொள்ளும் உணவு எளிதில் செரிமானம் ஆக உதவும். அதே போல சமையலில் ஆலிவ் எண்ணெய் சேர்த்து சமைக்கும் போது உணவின் சுவை கூட அதிகரிக்கும்.