கூமாபட்டி எங்கு இருக்கு தெரியுமா ? சுற்றியுள்ள முக்கிய சுற்றலா தலங்கள் என்னென்ன

கூமாபட்டி, விருநகர் மாவட்டம்

கூமாபட்டி கிராமம் விருதுநகர் மாவட்டத்தில் அமைந்துள்ளது. விருதுநகரில் இருந்து சுமார் 48 கிலோ மீட்டர் தூரம் பயணித்தால் கூமாபட்டியை அடையலாம். கூமாபட்டி கிராமம் மேற்கு தொடர்ச்சி மலை அடிவார பகுதியில் அமைந்துள்ளது. கூமாபட்டிக்கு செல்வதற்கு அரசு பேருந்துகள் இயக்கப்படுகின்றன. வீடியோவில் சொல்வது போல கூமாபட்டி தீவு கிடையாது. ஆனால் மேற்தொடர்ச்சி மலை அடிவாரத்தில் உள்ள பிளவக்கல் அணைப் பகுதி மற்றும் விவசாய பகுதிகள் மிகவும் பசுமையாக காட்சியளிக்கின்றன.

கூமாபட்டி சுற்றுலா தலங்கள்

பிளவக்கல் அணை

பிளவக்கல் அணைப் பகுதியில் தண்ணீர் ஓட்டம் மிதமான அளவில் இருக்கும் போது சுற்றுவட்டார பகுதி மக்கள் உற்சாக குளியல் போடுகின்றனர். வீடியோவில் சொல்வது போல் அணைப்பகுதி தண்ணீர் கண்ணாடி போல் தூய்மையாக தெரிகிறது. இங்கு சிறுவர் பொழுதுபோக்கு பூங்காவும் உள்ளது. அணையில் நீர் வற்றாமல் தேவையான நேரங்களில் தண்ணீர் திறந்துவிடப்படுகிறது. இதன் காரணமாகவே அருகில் கிராமத்திற்கு வத்திராயிருப்பு = வற்றாத + இருப்பு என பெயர் வைத்துள்ளனர்.

மேலும் படிங்கதலைமலை : தலையெழுத்தை மாற்றும் சஞ்சீவிராய பெருமாள் மலைக்கோயில் தரிசனம்

கிழவன் கோவில்

கூமாபட்டி தாமரைக்குளம் மற்றும் கிராம கிணற்றில் வார விடுமுறை நாட்களில் கூட்டம் அலைமோதுகிறது. கூமாபட்டி அருகே கிழவன் கோவில், ஈஸ்வரன் கோவில், பூமலை ராஜா கோவில், பிள்ளையார் கோவில், அத்தி கருப்புசாமி கோவில் போன்ற வழிபாட்டு தலங்களும் உள்ளன.

குருவிப்பாறை அருவி

கூமாபட்டியில் இருந்து 10 கிலோ மீட்டர் தூரம் பயணித்தால் குருவிப்பாறை அருவி சென்றடையலாம். இங்கு பாறைகளுக்கு இடையில் இருந்து ஊற்றெடுத்து தண்ணீர் ஆர்ப்பரித்து கொட்டுகிறது.

வீடியோவில் அந்த நபர் கூமாபட்டி வந்தால் மன அழுத்தம் குறையும், காதல் தோல்வியில் இருந்து மீண்டு விடலாம், கூமாபட்டி ஒரு சொர்க்க பூமி என குறிப்பிடுகிறார். விருப்பமுள்ள நபர்கள் இந்த பதிவில் குறிப்பிட்டுள்ள தகவல்களை பயன்படுத்தி கூமாபட்டி செல்லலாம்.