புது வீடு வாங்கப்போறீங்களா? இந்த வாஸ்து குறிப்புகளை மறக்காமல் பின்பற்றுங்கள்

வீட்டின் திசை:

வீட்டின் திசை மிக முக்கியமானது. வடக்கு, வடகிழக்கு அல்லது கிழக்கு திசையில் உள்ள வீடுகள் வாஸ்துவின் படி சிறந்தவை. வடகிழக்கு திசை (ஈசான்ய கோணம்) செல்வம் மற்றும் நல்ல அதிர்ஷ்டத்தைத் தரும். தெற்கு மற்றும் மேற்கு திசைகளும் ஏற்றுக்கொள்ளப்படுகின்றன, ஆனால் தென்மேற்கு திசையில் முக்கிய அறைகள் அமைப்பது தவிர்க்கப்பட வேண்டும்.

சமையலறை திசை:

சமையலறை தென்கிழக்கு திசையில் (ஆக்னேய கோணம்) அமைப்பது நல்லது. அதே போல சமையல் அடுப்பு தெற்கு நோக்கி அமைக்கப்பட வேண்டும். சமையலறையில் தொட்டி மற்றும் அடுப்பு ஒன்றுக்கொன்று அருகில் இல்லாமல் பார்க்க வேண்டும். சமையலறையை வடகிழக்கு திசையில் அமைப்பது தவறானது.

படுக்கையறையின் வாஸ்து:

படுக்கையறை தென்மேற்கு திசையில் அமைப்பது நல்லது. படுக்கை தெற்கு அல்லது மேற்கு திசையில் இருக்கும்படி வைக்க வேண்டும். படுக்கையின் கீழ் கண்ணாடி பொருட்கள் வைக்கக்கூடாது. கணவன் மற்றும் மனைவியின் படுக்கை ஒரே துண்டாக இருக்க வேண்டும், பிளவுபட்ட துண்டுகள் தவறானது.

கழிவறை மற்றும் குளியலறை வாஸ்து:

கழிவறை மற்றும் குளியலறை வடகிழக்கு அல்லது ஈசான்ய கோணத்தில் இருக்கக் கூடாது. மேற்கு அல்லது வடமேற்கு திசையில் இவற்றை அமைப்பது நல்லது. கழிவறை மற்றும் குளியலறை ஒன்றாக இருந்தால், அதன் கதவு எப்போதும் மூடியிருக்கும்படி பார்த்துக்கொள்ள வேண்டும்.

நீர் தொடர்பான வாஸ்து:

நீர்த்தொட்டி, கிணறு அல்லது பம்ப் போர்வெல் வடகிழக்கு திசையில் அமைப்பது நல்லது. தென்மேற்கு திசையில் நீர் சேமிக்கும் இடம் அமைப்பது வாஸ்துப்படி தவறானது. மேலும், நீர் தொட்டிகள் எப்போதும் சுத்தமாக வைக்கப்பட வேண்டும்.

மரங்கள் மற்றும் தோட்டம்:

வீட்டின் வடகிழக்குப் பகுதியில் பெரிய மரங்கள் நடுவது தவறு. ஆனால் சிறிய செடிகள் அல்லது மலர் தோட்டம் அமைக்கலாம். மேலும் தென்மேற்கில் உயரமான மரங்கள் இருக்கலாம்.

புதிய வீடு வாங்கும் போது அல்லது காட்டும் போது இந்த அடிப்படை வாஸ்து விதிகளைப் பின்பற்றினால், உங்களுக்கு நல்ல ஆரோக்கியம், அமைதி மற்றும் செழிப்பு கிடைக்கும். வாஸ்து சாஸ்திரம் என்பது வாழ்க்கையின் சீரான ஓட்டத்திற்கு உதவும் ஒரு அறிவியல் முறையாகும். எனவே, வீடு வாங்கும் முன் இந்த குறிப்புகளை கவனத்தில் கொள்ளுங்கள்.

Image source: google