திருமணம் நல்ல முறையில் நடக்க குலதெய்வத்தை வழிபடும் முறை

திருமணம் முடிவு செய்த பிறகு, உற்றார் உறவினர் மற்றும் நண்பர்கள் அனைவருக்கும் திருமண அழைப்பிதழை தருவது வழக்கம். திருமண அழைப்பிதழ் தருவதற்கு முன் குலதெய்வ கோவிலுக்குச் சென்று திருமண பத்திரிக்கை தெய்வத்தின் திருவடிகளில் வைத்து வழிபட்ட பிறகு அனைவருக்கும் கொடுக்க தொடங்குவார்கள்.

மேலும் படிக்க: குறிப்பிட்ட வயதில் திருமண நடக்காமல் தடைப்பட்டு கொண்டு இருந்தால் இந்த கோவில்களுக்கு சொல்லுங்கள்

சர்க்கரை பொங்கல் செய்து வழிபடும் முறை

சிலரின் குலவழக்கத்தின்படி குலதெய்வ கோவிலுக்கு சென்று சர்க்கரை பொங்கல் செய்து, தெய்வத்திற்குப் பிடித்த படையல் அனைத்து வைத்து. உறவினர்கள் அனைவரையும் அழைத்து குலதெய்வம் மற்றும் மூதாதையர்களிடம் குறிகேட்டு, அவர்களின் ஒப்புதலை வாங்கி பின் திருமண காரியங்களை தொடங்குவார்கள்.

கரகம் எடுத்து வழிபடுவது

புனித கலசம் கொண்டு குலதெய்வத்தை அந்த கலசத்தில் அமைத்து குறி கேட்பார்கள். கிராமப்புறங்களில் குலதெய்வ வழிபாடு என்பது அவர்களின் சொந்த நிலங்களில் வைத்து வழிபடுவார்கள். அந்த இடத்தில் கரகம் அமைத்து, உறவினர்கள் அனைவரும் ஒன்றுகூடிய, தெய்வத்திற்குப் பிடித்த படையல் வைத்து, திருமணத்திற்காக உத்தரவு கேட்பார்கள்.