கர்நாடகா ஸ்பெஷல் தக்காளி பாத் செய்முறை; குழந்தைகளுக்கான ரெசிபி

தக்காளி பாத் செய்முறை

• முதலில் சுவை சேர்க்கும் மசாலா பொருட்களை தயாரிக்கலாம். மிக்ஸியில் ஒரு இஞ்ச் இலவங்கம், எட்டு கிராம்பு, 20 கிராம் இஞ்சி, 15 பல் பூண்டு சேர்த்து அரைக்கவும். இவை உணவின் ருசியை அதிகரிக்கும்.
• அடுத்ததாக 4 தக்காளியை தண்ணீரில் கழுவி மிக்ஸியில் போட்டு அடித்து தனியாக வைக்கவும்.
• குக்கரில் பத்து ஸ்பூன் நல்லெண்ணெய் ஊற்றி மிதமான சூட்டில் கொஞ்சம் கறிவேப்பிலை, ஒரு பிரியாணி இலை, இரண்டு ஏலக்காய், ஒரு டீஸ்பூன் சோம்பு, இரண்டு மராட்டி மொக்கு போட்டு வறுக்கவும்.
• இப்போது கொஞ்சம் கசூரி மேத்தி, நான்கு பச்சை மிளகாய், இரண்டு மீடியம் சைஸ் பெரிய வெங்காயத்தை நறுக்கி சேர்த்து வதக்கவும்.
• புதினா இலைகளை போட்ட பிறகு மிக்ஸியில் அரைத்த மசாலாவை சேர்க்கவும். தக்காளி சாறையும் ஊற்றி அனைத்தையும் நன்கு கலந்துவிடுங்கள்.
• ஒரு கப் பச்சை பட்டாணி சேருங்கள். மிதமான சூடிலேயே இவை வதங்கட்டும்.
• ஒன்றரை ஸ்பூன் மிளகாய் மற்றும் தனியா தூள் போட்டு, ஒரு டீஸ்பூன் கரம் மசாலா மற்றும் கால் டீஸ்பூன் மஞ்சள் தூள் சேருங்கள். பச்சை வாடை போன பிறகு இரண்டு டம்ளர் தண்ணீர் ஊற்றவும்.
• தேவையான அளவு உப்பு சேருங்கள். ஒரு கொதி வந்தவுடன் ஒன்றரை டம்ளர் அரிசி சேர்த்து மேலே கொத்தமல்லி தூவி குக்கரை மூடிவிடுங்கள்.
• மூன்று விசில் வந்தவுடன் அடுப்பில் இருந்து இறக்கி விடலாம். இதன் வாசனை உங்கள் மூக்கை துளைத்து உடனடியாக தட்டில் போட்டு சாப்பிடுங்கள் என அறிவுறுத்தும். நறுமணம் நிறைந்த தக்காளி பாத் ரெடி.

இதுபோன்ற கட்டுரைகளுக்கு ஹெர் ஜிந்தகியுடன் இணைந்திருங்கள்.