வீட்டில் கிறிஸ்துமஸ் ட்ரீ வைப்பது ஏன் தெரியுமா? வரலாறு கூறுவது என்ன?

டிசம்பர் மாதம் வந்தாலே பல நூற்றாண்டுகளாக கிறிஸ்துமஸ் மரத்தை அலங்கரிக்கும் பாரம்பரியம் உலகெங்கிலும் உள்ள பல வீடுகளில் ஒரு வழக்கமாக இருந்து வருகிறது. கிறிஸ்தவர்கள் தங்கள் வீட்டில் ஒரு கிறிஸ்துமஸ் மரத்தை வைத்திருக்கும் வரலாற்றை பண்டைய காலங்களிலிருந்து காணலாம். இது பல்வேறு கலாச்சாரங்கள் மற்றும் மரபுகள் வரலாற்றை குறிக்கும். கிறிஸ்துமஸ் மரம் தான் இந்த பண்டிகையின் முக்கிய சின்னமாக பார்க்கப்படுகிறது. அந்த வரிசையில் வீட்டில் ஏன் கிறிஸ்துமஸ் மரம் வைக்கிறார்கள் என்றும் அதன் வரலாறு குறித்தும் இந்த கட்டுரையில் பார்க்கலாம்.

மரத்தை அலங்கரிக்கும் வரலாறு:

குளிர்காலத்தில் மரங்களை அலங்கரிக்கும் பாரம்பரியம் எகிப்தியர்கள், ரோமானியர்கள் மற்றும் ட்ரூயிட்ஸ் போன்ற பண்டைய நாகரிகங்களுக்கு முந்தையது. இந்த கலாச்சாரங்கள் பசுமையான மரங்களின் வாழ்க்கை மற்றும் மறுபிறப்பைக் குறிக்கின்றன என்று நம்பப்படுகிறது. அவை குளிர்கால மாதங்களில் மக்களின் நம்பிக்கை மற்றும் வாழ்க்கை புதுப்பித்தலின் சக்திவாய்ந்த அடையாளமாக அமைகின்றது.

பல ஆண்டுகள் கழித்து 16 ஆம் நூற்றாண்டில் கிறிஸ்துமஸ் மரத்தை அலங்கரிக்கும் வழக்கம் ஜெர்மனியில் பிரபலமடைந்தது, அங்கு வசிக்கும் கிறிஸ்தவர்கள் இயேசுவின் பிறப்பைக் கொண்டாட மெழுகுவர்த்திகள், ஆப்பிள்கள் மற்றும் பிற பண்டிகை ஆபரணங்களுடன் மரங்களை அலங்கரிப்பார்கள். இந்த பாரம்பரியம் இறுதியில் மற்ற ஐரோப்பிய நாடுகளுக்கு பரவியது. இதனை தொடர்ந்து 19 ஆம் நூற்றாண்டில் அமெரிக்காவிலும் இந்த கிறிஸ்துமஸ் மரம் அலங்காரம் பிரபலமானது.

கிறிஸ்துமஸ் மரத்தின் அர்த்தம்:

கிறிஸ்துமஸ் மரம் இந்த பண்டிகைக்கு சிறப்பு முக்கியத்துவத்தைக் கொண்டுள்ளது. இது பல்வேறு அர்த்தங்களையும் அடையாளங்களையும் குறிக்கிறது. இந்த பசுமையான மரம், அதன் துடிப்பான நிறங்கள் மற்றும் நறுமண வாசனை நம் வாழ்வின் செழிப்பு மற்றும் வளர்ச்சியை குறிக்கிறது. அதே போல கிறிஸ்துமஸ் மரத்தை அலங்கரிக்கும் மின்னும் விளக்குகள் மற்றும் ஆபரணங்கள் மகிழ்ச்சி, அமைதி மற்றும் அன்பைக் குறிக்கின்றன. இந்த கிறிஸ்துமஸ் மரம் வீட்டில் ஒரு அன்பான மற்றும் பண்டிகை சூழ்நிலையை உருவாக்க உதவுகிறது.

பைபிள் கூறுவது என்ன?

கிறிஸ்தவர்களைப் பொறுத்தவரை, கிறிஸ்துமஸ் மரம் கிறிஸ்துவின் பிறப்பு மற்றும் இரட்சிப்பின் வாக்குறுதியின் அடையாளம். இந்த மரத்தில் உள்ள நட்சத்திரம் அல்லது தேவதை கிறிஸ்து பிறந்த இடம் பெத்லகேமின் வழிகாட்டும் நட்சத்திரத்தைக் குறிக்கிறது. இது புதிதாகப் பிறந்த இரட்சகருக்கு அடையாள சின்னம். அதே போல கிறிஸ்துமஸ் மரத்தின் அடியில் வைக்கப்பட்டுள்ள பரிசுகள், மக்கள் வாழ்க்கையில் பிறருக்கு கொடுக்கும் மனப்பான்மையையும் தாராள மனதை குறிக்கும் வகையில், குழந்தை இயேசுவுக்கு அரசர்கள் வழங்கிய பரிசுகளைக் குறிக்கின்றது.

மேலும் படிக்க: சுவர்களில் படிந்துள்ள பிடிவாதமான கறைகளை நொடியில் நீக்க; இந்த வீட்டு வைத்தியங்களை பயன்படுத்துங்க

கிறிஸ்துமஸ் மரத்தின் பாரம்பரியம்:

இன்றைய காலகட்டத்தில் வீட்டில் ஒரு கிறிஸ்துமஸ் மரத்தை வைத்திருக்கும் பாரம்பரியம் உலகெங்கிலும் உள்ள குடும்பங்களுக்கு ஒரு அன்பான பாசமான விடுமுறை வழக்கமாக உருவாகியுள்ளது. இந்த மரத்தை அலங்கரிக்கவும், ஆபரணங்களை தொங்கவிடவும், கடந்த கிறிஸ்துமஸின் கதைகள் மற்றும் நினைவுகளைப் பகிர்ந்து கொள்ளவும் குடும்பங்கள் ஒன்றுகூடுகின்றனர். அழகாக அலங்கரிக்கப்பட்ட கிறிஸ்துமஸ் மரத்தின் காட்சி நமக்கு மகிழ்ச்சியையும் உற்சாகத்தையும் தருகிறது. இது தான் நம் வீட்டில் பண்டிகை சூழலை உருவாக்கும். கிறிஸ்துமஸ் மரம், வீட்டு வாசலில் ஸ்டார் வைப்பது, கேரல்ஸ் பாடுவது என்று கிறிஸ்துமஸ் பண்டிகைக்கு செய்யும் அணைத்து விஷயங்களுக்கும் ஒரு பண்டைய கலாச்சார வரலாறு உள்ளது.

Image source: freepik