ஆடி மாதத்தில் அம்மனை வரவேற்க 5*1 புள்ளி கோலத்தை வாசலில் போடுங்க

ஆடி பிறப்பு 2025

ஆடி மாத கோலம்

• இது ஒரு 5*1 புள்ளி ஆடி மாதம் கோலமாகும். ஆதாவது ஐந்து வரிசை மற்றும் ஒற்றை நெடுவரிசையில் புள்ளிகள் வைத்து போடக்கூடிய கோலம்.
• ஒற்றை நெடுவரிசையின் கடைசி புள்ளியில் தொடங்கி மூன்றாவது வரிசையின் கடைசி புள்ளியோடு வளைவான கோடு வரைந்து இணைக்கவும். நான்காவது வரிசையின் எந்த புள்ளியின் மீதும் படக்கூடாது.
• அதே போல் ஒற்றை நெடுவரிசையின் கடைசி புள்ளியில் தொடங்கி மூன்றாவது வரிசையின் முதல் புள்ளியுடன் வளைவான கோடு வரைந்து இணைக்கவும்.
• மூன்றாவது வரிசையின் புள்ளியில் இருந்து ஒற்றை நெடுவரிசையின் தொடக்க புள்ளியோடு இணைக்கவும். அதே மூன்றாவது வரிசையின் இறுதி புள்ளியில் இருந்து ஒற்றை நெடுவரிசையின் தொடக்க புள்ளியோடு வளைவான கோடு வரைந்து இணைக்கவும். பார்ப்பதற்கு நட்சத்திரம் போல் இருக்கும்.
• மூன்றாவது வரிசையின் இரண்டாவது புள்ளி, இரண்டாவது வரிசையின் இரண்டாவது புள்ளி, மூன்றாவது வரிசையின் நான்காவது புள்ளி மற்றும் நான்காவது வரிசையின் மூன்றாவது புள்ளியோடு வளைவாக இணைத்து சின்ன நட்சத்திர கோலம் போடவும்.
• அடுத்ததாக மூன்றாவது வரிசையின் மூன்றாவது புள்ளியில் (நடுபுள்ளி) மஞ்சள், குங்குமம் வைக்கவும். உள்ளே சின்ன நட்சத்திரத்தை சுற்றி சின்ன சின்ன புள்ளிகள் வைக்கவும்.
• நான்காவது வரிசையின் முதல் புள்ளி, மூன்றாவது புள்ளியில் தனித்தனியாக வளைவான கோடு வரையவும். அதே போல் இரண்டாவது வரிசையின் முதல் புள்ளி, மூன்றாவது புள்ளியிலும் வரையவும்.
• நடுவரிசையின் கடைசி புள்ளிக்கு கீழ் இரண்டு சிறிய நேர் கோடு இடைவெளி விட்டு வரையுங்கள். இதே போல் நடுவரிசையின் தொடக்க புள்ளி, மூன்றாவது வரிசையின் முதல் புள்ளி மற்றும் கடைசி புள்ளியில் வரையவும்.
• சிறிய நேர் கோடுகளின் ஓரங்களில் சின்ன புள்ளி வைக்கவும். நான்கு திசைகளிலும் விளக்கு போன்ற வடிவத்தை வரையவும். விளக்குகளுக்கு உள்ளே உங்களுக்கு பிடித்தமான நிறங்களால் நிரப்புங்கள்.
• நடுவே மஞ்சள், குங்குமத்தை சுற்றி சிறிய பூ வரையவும். வளைவான கோடுகளுக்கு மேல் ஒளி வடிவம் வரையுங்கள். ஒளியின் இருபுறமும் சுழித்துவிடுங்கள்.
• ஆடி மாத பிறப்பில் இந்த 5*1 புள்ளி கோலம் மிக எளிமையாகவும், அழகாகவும் வாசலை அலங்கரிக்கும்.