நிபுணர் கருத்து: இவற்றை எல்லாம் பிரஷர் குக்கரில் சமைக்க வேண்டாம்!

சாதம் வடிக்கவோ, உருளைக்கிழங்கு, முட்டை வேகவைக்கவோ, பருப்பு சமைக்கவோ, அல்லது உடனடியாக எது செய்வதாக இருந்தாலும் நம் மனதில் முதலில் வருவது பிரஷர் குக்கர் தான். காரணம் பிரஷர் குக்கரில் உணவு விரைவாக சமைக்கப்படுவது தான். உடனடியாக சமைக்க இதை விட சிறந்த சமையலறை சாதனம் இருக்க முடியாது. ஆனால் சில பொருட்களை குக்கரில் சமைக்கக் கூடாது என்பது உங்களுக்குத் தெரியுமா?

குக்கரில் சீக்கிரம் சமைத்துவிடலாம் என்று நாம் நினைக்கும் பொருட்கள் உண்மையில் நமக்கு தீங்கி விளைவிக்கும். பிரஷர் குக்கரில் சமைக்கும் போது இந்த பொருட்கள் அவற்றின் அசல் சுவையை இழக்கின்றன, எனவே அவற்றை பிரஷர் குக்கரில் சமைப்பதை தவிர்க்க வேண்டும். குக்கரில் அரிசி சமைக்கக் கூடாது என்று சொல்வதைக் கேட்டிருப்பீர்கள். ஏனென்றால், அரிசியில் இருந்து வெளியாகும் ஸ்டார்ச் ஒரு ரசாயனத்தை உருவாக்குகிறது, இது நமது ஆரோக்கியத்திற்கு தீங்கு விளைவிக்கும்.

இந்த பதிவில், பிரஷர் குக்கரில் சமைப்பதற்கு முன் 10 முறை யோசிக்க வேண்டிய பொருட்கள் மற்றும் குக்கரில் சமைப்பதை முற்றிலும் தவிர்க்க வேண்டிய சில உணவுப் பொருட்களைப் பற்றி நாங்கள் உங்களுக்குச் சொல்கிறோம்.

சிக்கனை குக்கரில் பொரிப்பதை தவிர்க்கவும்

குக்கரின் அடிப்பகுதி தடிமனாகவும், மிகவும் ஆழமாகவும் இருக்கும். சிலர் அதில் சிக்கனை வறுக்கிறார்கள். நீங்களும் அவ்வாறு செய்தால், கண்டிப்பாக தவிர்க்க வேண்டும்.

குக்கரை ஒருபோதும் பொரிப்பதற்கு பயன்படுத்த வேண்டாம். ஏனென்றால், குக்கர் அதிக வெப்பநிலையில் எண்ணெயை சூடாக்குவதற்காக உருவாக்கப்படவில்லை, எனவே இது சிக்கனை பொரிப்பதற்கு நல்லதல்ல, மேலும் உங்கள் குக்கரையும் பாதிக்கும். சிக்கனை பொரிப்பதற்கு நல்ல வாணலியை வாங்கி பயன்படுத்துவது நல்லது.

பொரியல் காய்கறிகள்

• வெவ்வேறு வகையான சமையலுக்கு வெவ்வேறு பாத்திரங்கள் பயன்படுத்தப்படுத்த வேண்டும் என்பது உங்களுக்குத் தெரியும்.

• அதேபோல்,வதக்குவதற்கு தனியாக வாணலி அல்லது கடாயைப் பயன்படுத்த வேண்டும்.

• காய்கறிகளை வதக்க தேவையான இடம் மற்றும் வெப்பநிலை குக்கரில் இல்லை, எனவே அவற்றை பிரஷர் குக்கரில் சமைக்கவே கூடாது.

பருப்பு வகைகள்

• பருப்பு வகைகளை குக்கரில் சமைக்கலாம். கடாயில் எப்படி சமைக்க முடியும்? நீங்களும் அப்படி தானே நினைத்துக் கொண்டிருக்கிறீர்கள்.

• கெட்டியான பருப்புகளை குக்கரில் சமைக்கலாம். ராஜ்மா, கொண்டைக்கடலை, பாசிப்பருப்பு ஆகியவை குக்கரில் சமைக்கப்படுகின்றன, ஆனால் துவரம் பருப்பு மற்றும் மசூர் பருப்பு ஆகியவை மிக விரைவாக சமைக்கக்கூடிய பருப்புகள் ஆகும், அவை முற்றிலும் உருகிவிடும்.

• இதன் காரணமாக, அவற்றின் அமைப்பும் மாறிவிடும், சுவையும் கெட்டுவிடும், எனவே அவற்றை எப்போதும் கடாயில் குறைந்த தீயில் சமைக்கவும்.

உருளைக்கிழங்கு

• உருளைக்கிழங்கு வேகவைப்பது முதல் அணைத்து வகை சமையலையும் குக்கரில் தான் நாம் செய்கிறோம்.

• ஆனால் அரிசியைப் போல உருளைக்கிழங்கையும் குக்கரில் சமைக்கக் கூடாது என்பது உங்களுக்குத் தெரியுமா? பிரஷர் குக்கரில் சமைப்பதால், உணவின் சத்து குறைவதாக உணவு மற்றும் வேளாண்மை பொது அறிவியல் ஆய்வில் தெரிவிக்கப்பட்டுள்ளது.

• உருளைக்கிழங்கிலும் ஸ்டார்ச் இருப்பதால், அது ஒரு வகையான ரசாயனத்தை உருவாக்குகிறது, இது ஆரோக்கியத்திற்கு தீங்கு விளைவிக்கும்.

இந்தத் தகவல் உங்களுக்குப் பிடிக்கும் என நம்புகிறோம். இந்த பதிவு உங்களுக்கு பிடித்திருந்தால் லைக் மற்றும் ஷேர் செய்ய மறக்காதீர்கள். இதுபோன்ற பதிவுகளை தொடர்ந்து படிக்க ஹெர்ஷிந்தகி தமிழ் பக்கத்தில் இணைந்திருங்கள்.

Images Credit: freepik