என்றும் இளமையாக இருக்க; தினமும் காலையில் இந்த விஷயங்களை மறக்காம பண்ணுங்க

பெண்கள் பலருக்கும் இளமையான ஜொலிக்கும் சருமம் பராமரிக்க வேண்டும் என்ற ஆசை இருக்கும். சந்தைகளில் கிடைக்கும் அழகு சாதன பொருட்கள் பயன்படுத்துவதை விட வீட்டில் கிடைக்கும் இயற்கை வைத்தியங்களை பயன்படுத்துவது தான் சருமத்திற்கு சிறந்தது. ஒரு பிரகாசமான மற்றும் இளமையான சருமத்தை பெறுவதற்கு காலை நேர பழக்கங்கள் மிகவும் முக்கியமானவை. நீங்கள் காலையில் எழுந்தவுடன் செய்யும் சிறிய மாறுதல்கள் உங்கள் தோல் ஆரோக்கியத்தில் பெரிய வித்தியாசத்தை ஏற்படுத்தும். இங்கு, பிரகாசமான தோலைப் பெற 5 காலை பழக்கங்களைப் பற்றி விவரிக்கிறோம்.

அதிக தண்ணீர் குடிக்கவும்:

தினமும் காலையில் எழுந்தவுடன் 1 அல்லது 2 கிளாஸ் சூடான தண்ணீர் குடிப்பது உங்கள் உடலில் உள்ள நச்சுத் தன்மையை அகற்ற உதவுகிறது. இது தோலுக்கு உள்ளிருந்து ஈரப்பதத்தை அளித்து, முகப்பரு மற்றும் சுருக்கங்களைத் தடுக்கிறது. தண்ணீரில் எலுமிச்சை சாறு அல்லது தேனைச் சேர்த்துக் குடித்தால், உடலின் நச்சுத்தன்மை மேலும் குறையும்.

முகத்தை சுத்தமாக கழுவவும்:

காலையில் எழுந்தவுடன் முகத்தை மிருதுவான தோல் பாதுகாப்பு சோப்பு அல்லது ஃபேஸ் வாஷ் மூலம் சுத்தம் செய்யவும். இது சருமத்தில் இரவு படிந்துள்ள எண்ணெய், அழுக்கு மற்றும் பாக்டீரியாக்களை நீக்கி, தோலை புதுப்பிக்க உதவுகிறது. காலையில் முகத்தை குளிர்ந்த நீரில் கழுவினால், இரத்த ஓட்டம் மேம்பட்டு, தோல் பிரகாசமடைகிறது.

ஈரப்பதமூட்டும் மாயிஸ்சுரைசர் பயன்படுத்தவும்:

முகத்தை கழுவிய பிறகு, ஒரு நல்ல ஈரப்பதமூட்டும் மாயிஸ்சுரைசர் பயன்படுத்தவும். இது தோலின் இயற்கையான ஈரப்பதத்தை பராமரிக்க உதவுகிறது. வைட்டமின் ஈ அல்லது ஹயாலூரோனிக் அமிலம் கொண்ட மாயிஸ்சுரைசர்கள் தோலின் நெகிழ்வுத்தன்மையை அதிகரிக்கின்றன. காலை நேரத்தில் சன் ஸ்கிரீன் பயன்படுத்துவதும் சருமத்திற்கு முக்கியம், இது புற ஊதா கதிர்களில் இருந்து தோலைப் பாதுகாக்கிறது.

ஆரோக்கியமான காலை உணவை சாப்பிடுங்கள்:

உங்கள் காலை உணவில் பழங்கள், நட்ஸ் வகைகள், முழு தானியங்கள் மற்றும் புரதம் நிறைந்த உணவுகளை சேர்க்கவும். வைட்டமின் சி நிறைந்த பழங்கள் (ஆரஞ்சு, கிவி) கொலாஜன் உற்பத்தியை அதிகரிக்கின்றன. ஆலிவ் எண்ணெய், அவோகேடோ மற்றும் பீன்ஸ் உணவுகள் தோலுக்கு தேவையான ஊட்டச்சத்துக்களை அளிக்கின்றன.

உடற்பயிற்சி அல்லது யோகா செய்யுங்கள்:

காலையில் 15 முதல் 20 நிமிடம் யோகா அல்லது உடற்பயிற்சி செய்வது உடலின் இரத்த ஓட்டத்தை மேம்படுத்துகிறது. இது தோலுக்கு ஆக்ஸிஜன் மற்றும் ஊட்டச்சத்துக்களை அதிகரிக்கிறது, இதனால் தோல் பிரகாசமாகிறது. மேலும் இது மன அழுத்தத்தைக் குறைத்து, தோல் பிரச்சனைகளைத் தடுக்கிறது.

மேலும் படிக்க: இளம் வயதில் இளநரை பிரச்சனையா? இந்த பழக்கங்களை இன்றே நிறுத்தங்கள்

இந்த 5 காலை பழக்கங்களையும் தினமும் பின்பற்றினால், உங்கள் தோல் இளமையாகவும் பிரகாசமாகவும் தோன்றும். நல்ல தூக்கம், சீரான உணவு மற்றும் தண்ணீர் குடிக்கும் அளவு ஆகியவற்றுடன் இந்த பழக்கங்களை இணைத்தால், நீண்ட காலத்திற்கு ஆரோக்கியமான தோலைப் பெறலாம்.

Image source: google