குழந்தைகளுக்கு மொபைல் கொடுப்பது ஆபத்தா? இந்த உடல் நல பிரச்சனைகளை தெரிஞ்சிக்கோங்க

கொரோனா காலத்தின் தாக்கம்:

கொரோனா பெருந்தொற்று காலத்திற்கு முன்பு பெரும்பாலான பெற்றோர்கள் குழந்தைகளுக்கு மொபைல் கொடுப்பதைத் தவிர்த்தனர். ஆனால் ஆன்லைன் கல்வி முறையின் தேவை காரணமாக, இன்று சிறுவயது மாணவர்கள் கூட செல்போன்களுக்கு அடிமையாகிவிட்டனர். இந்தக் கட்டுரையில் குழந்தைகளின் செல்போன் பழக்கத்தின் அடிமைத்தனம் மற்றும் அதன் தீங்கு விளைவிக்கும் விளைவுகளைப் பற்றி விரிவாகப் பார்க்கலாம்.

குழந்தைகளுக்கு செல்போன் ஏன் தரக்கூடாது?

பெரியவர்கள் கூட அளவுக்கதிகமாக செல்போன் பயன்படுத்துவது தவறு என்பதை அறிந்தும், சில பெற்றோர்கள் குழந்தைகளின் அழுகையை நிறுத்த செல்போனை 'ஷட்டர் ஆயுதமாக' பயன்படுத்துகின்றனர். செல்போன்களில் இருந்து வெளிப்படும் மின்காந்த கதிர்வீச்சு குழந்தைகளின் ஆரோக்கியத்திற்கு கடும் பாதிப்பை ஏற்படுத்துகின்றன என பல மருத்துவ ஆய்வுகள் எச்சரிக்கின்றன.

முக்கியமான எச்சரிக்கைகள்:

• குழந்தைகளுக்கு அருகே செல்போன்களை வைத்து உணவூட்டுவது ஆபத்தானது
• செல்போன் திரைகளில் இருந்து வெளிப்படும் புற ஊதா கதிர்கள் (Blue Light) கண்களுக்கு கேடு விளைவிக்கும்
• குழந்தைகளின் மூளை பெரியவர்களை விட இரட்டிப்பு அளவு கதிர்வீச்சை உறிஞ்சும் திறன் கொண்டது

செல்போன் பழக்கத்தின் தீங்கு விளைவிக்கும் விளைவுகள்:

உடல் ஆரோக்கியத்தில் பாதிப்புகள்:

• கண்பார்வை குறைதல்
• தூக்கமின்மை (Insomnia)
• மூளை செயல்பாட்டில் தடை
• அறிவுத்திறன் குறைதல்
• பேச்சுத் தாமதம் (Speech Delay)
• உடல் பருமன் (Obesity)
• எலும்புகளின் வலிமை குறைதல்

மனநல பாதிப்புகள்:

• மனக் குழப்பம்
• சிந்தனைத் திறன் குறைதல்
• சமூகத் திறன் பாதிப்பு
• உணர்ச்சி கட்டுப்பாடு இல்லாமை

செல்போன் பயன்பாட்டைக் கட்டுப்படுத்தும் வழிமுறைகள்:

நேரக் கட்டுப்பாடு:

ஒரு நாளைக்கு 1 அல்லது 2 மணி நேரத்திற்கு மேல் குழந்தைளுக்கு செல்போன் பயன்பாடு அனுமதிக்கக்கூடாது. வீட்டில் அனைவரும் ஒன்றாக இருக்கும் ஞாயிற்றுக்கிழமைகளில் "மொபைல் ஃப்ரீ டே" (Mobile Free Day) என்று அறிமுகப்படுத்துங்கள்.

மாற்று செயல்பாடுகள்:

குழந்தைகளை பூங்காக்களுக்கு அழைத்துச் செல்லுங்கள், வீட்டில் பாரம்பரிய விளையாட்டுகளை விளையாட ஊக்குவிக்கவும் மற்றும் கதை புத்தகங்கள் வாசிக்கும் பழக்கத்தை ஏற்படுத்துங்கள்.

பாரம்பரிய பொழுதுபோக்குகள்:

கலை மற்றும் கைவினைப் பணிகள், இசைக் கருவிகள் கற்றல், தோட்டப்பணி மற்றும் வீட்டு விலங்குகளை பராமரித்தல் போன்ற பொழுதுபோக்குகளில் குழந்தைகளை ஈடுபடுத்துங்கள்.

அந்த வரிசையில் செல்போன்கள் இன்றைய காலத்தில் தவிர்க்க முடியாத தேவையாக இருப்பினும், குழந்தைகளின் மொபைல் பயன்பாட்டை கண்டிப்பாக கட்டுப்படுத்த வேண்டும். பெற்றோர்கள் முதலில் உதாரணமாக நடந்து குழந்தைகளுக்கு சரியான வழிகாட்டுதல் அளிக்க வேண்டும். தொழில்நுட்பத்தின் நல்ல பயன்பாடுகளை மட்டுமே கற்றுத் தருவதோடு, உண்மையான வாழ்க்கை அனுபவங்களையும் கொடுக்க முயற்சிக்க வேண்டும். குழந்தைகளின் ஆரோக்கியமான வளர்ச்சிக்கு இது மிகவும் அவசியமானது.

Image source: google