குடும்பத்தில் மாதாந்திர செலவுகளை நிர்வகிப்பது எப்போதுமே சவாலான காரியமாகும். எகிறும் விலைவாசி, வாங்க வேண்டிய அத்தியாவசிய பொருட்களால் கைகளில் இருந்து ரூபாய் நோட்டு பறக்கிறது. தேவையானவற்றை வாங்காமல் இருக்க முடியாது. எனினும் மாதாந்திர செலவுகளை குறைக்க சில மாற்றங்களை முயற்சித்து பயன்பெறலாம். செலவுகளை கண்காணித்து திடமான முடிவுகளை எடுத்தால் செலவுகளை குறைக்க முடியும்.
பணத்தை சேமிக்க விரும்பினால் நாம் முதலில் செலவுகளை கண்காணிக்க வேண்டும். நம் அம்மா அல்லது அப்பா ஒரு நோட்டில் அன்றாட செலவுகளை குறித்து வைப்பார்கள். இதை நாமும் பின்பற்ற வேண்டும். பாபநாசம் படத்தில் கமல்ஹாசன் பேருந்து டிக்கெட் முதல் ஹோட்டல் உணவு பில் வரை சேமிப்பது போல் நீங்களும் குடும்பத்துடன் பேசி அன்றாட செலவுகளை கவனிக்கவும். எங்கெல்லாம் தேவையை விட அதிகமாக செலவு செய்கிறோம் என்பதை கண்டறிய இது உதவும்.
உணவை ஆர்டர் செய்து வாங்கும் செயலிகளால் நாம் சமைப்பதை தவிர்த்து அடிக்கடி வெளியே வாங்குகிறோம். வீட்டில் சமையல் செய்வது செலவுகளை குறைப்பதோடு உடல் ஆரோக்கியத்தை பாதுகாக்கும். பணிக்கு செல்வதாக இருந்தாலும் நேரத்திற்கு சமைக்கவும், மளிகை பொருட்களை மொத்தமாக வாங்கவும். தவிர்க்க முடியாத காரணமாக இருந்தாலும் இரண்டு வாரத்திற்கு ஒரு முறைக்கு மேல் வெளியே உணவு வாங்காதீர்கள்.
வீட்டில் மின் பயன்பாடு நாம் கட்டுக்குள் வைக்க கூடிய விஷயமாகும். வெயில் காலத்தில் மின் பயன்பாட்டை தவிர்க்க இயலாது. எனினும் வீட்டில் எல்இடி பல்ப் உபயோகிக்கலாம். தேவையான நேரங்களில் மட்டும் மின்சாதன பொருட்களை பயன்படுத்தவும்.
லிட்டர் பெட்ரோல் 100 ரூபாய் விற்பதால் மாதத்தில் குறிப்பிடத்தக்க தொகை எரிபொருள் பயன்பாட்டுக்கு செலவாகிறது. இதன் தீர்வாக பொது போக்குவரத்து பயன்படுத்த முயற்சிக்கவும். அலுகலகத்தில் இருந்து திரும்ப நண்பருடன் பயணிக்கவும். கணிசமான தொகையை சேமிக்கப்படும்.
படம் பார்ப்பதற்காக பல ஓடிடி தளங்களுக்கு சப்ஸ்க்ரைப் செய்திருப்போம். தேவையானவற்றுக்கு மட்டும் பணம் செலுத்தி சேவையை தொடர்ந்து பெறுங்கள். டிஜிட்டல் யுகத்தில் ஒவ்வொரு விஷயத்திற்கும் சப்ஸ்கிரைப் செய்வது தீர்வாக அமையாது. இதற்கு மாற்று வழிகளை தேடவும்.
இதுபோன்ற கட்டுரைகளுக்கு ஹெர் ஜிந்தகியுடன் தொடர்ந்து இணைந்திருங்கள்.
உங்களைப்போலவே, உங்கள் சருமமும், உடலும் வித்தியாசமானது. எங்களின் பதிவுகள் மூலமாகவும், சமூக ஊடக சேனல்கள் மூலமாகவும் பகிரப்படுபவை யாவும் நம்பத்தகுந்ததாகவும், நிபுணர்களால் சரிபார்க்கப்பட்டதாகவும் இருப்பதை உறுதி செய்ய அனைத்து நடவடிக்கைகளையும் எடுக்கிறோம். இருப்பினும், எந்தவொரு வீட்டு வைத்தியம், டிப்ஸ் அல்லது ஃபிட்னஸ் டிப்ஸ் போன்றவற்றை முயல்வதற்கு முன்பு மருத்துவரின் ஆலோசனை அவசியம். ஏதேனும் கருத்து தெரிவிப்பதற்கு அல்லது புகார்களுக்கு எங்களை தொடர்புக்கொள்ளவும். [email protected]