ஜோதி கிருஷ்ணா இயக்கத்தில் பவர் ஸ்டார் பவன் கல்யாண் நடிப்பில் ஜூலை 24ஆம் தேதி திரையரங்குகளில் வெளிவந்துள்ள படம் ஹரி ஹர வீரமல்லு. தெலுங்கு படமான ஹரி ஹர வீர மல்லு இதர மொழிகளில் டப்பிங் செய்யப்பட்டு இருக்கிறது. நிதி அகர்வால், சத்யராஜ், பாபி தியோல், சுனில், சச்சின் கேடேகர், சுப்பாராஜு, ரகு பாபு, நாசர், கபிர் துஹான் சிங் இப்படத்தில் நடித்துள்ளனர். இப்படம் உண்மை கதையல்ல. 400 - 450 ஆண்டுகளுக்கு முந்தைய வரலாற்றில் கற்பனையாக ஹரி ஹர வீர மல்லு கதாபாத்திரத்தை இணைத்து படமாக எடுத்துள்ளனர். இதில் தற்போது பாகம் 1 ஸ்வார்ட் Vs ஸ்பிரிட் வெளியாகியுள்ளது. வாருங்கள் ஹரி ஹர வீர மல்லு படத்தின் விமர்சனத்தை இந்த பதிவில் பார்ப்போம்.
ஹரி ஹர வீர மல்லு கதைசுருக்கம்
தனது ஆன்மிக குருவை சிறைபிடித்துள்ள மன்னன் ஒளரங்கசீப்பை தேடி பவன் கல்யாண் டெல்லிக்கு பயணப்படுகிறார். ஹரி ஹர வீர மல்லு எனும் பவன் கல்யாண ஒளரங்கசீப்பை சந்தித்தாரா ? குருவை மீட்டாரா ? என்பதே ஹரி ஹர வீர மல்லு.
ஹரி ஹர வீர மல்லு விமர்சனம்
சிறு சிறு திருட்டுகளை செய்யும் பவன் கல்யாணுக்கு ஒரளங்சீப்பிடம் உள்ள கோஹினூர் வைரத்தை திருடி வந்தால் மிகப்பெரிய தொகை வழங்குவதாக குறுநில மன்னர் வாக்குறுதி அளிக்கிறார். இந்த பயணத்தில் பவன் கல்யாணுடன் செல்லும் நபர்களை அவருடைய நோக்கம் வேறு என புரிந்து கொள்கின்றனர். தனது ஆன்மிக குருவை மீட்கவே ஒளரங்கசீப்பை தேடி செல்வதாக பவன் கல்யாண் கூறுகிறார். இதன் பிறகு என்ன நடந்தது ? 2.30 மணி நேரத்தில் வரலாற்று பூனைவுடன் மாஸான தெலுங்கு படம் எடுக்க முயன்றுள்ளனர்.
ஹரி ஹர வீர மல்லு படத்தின் பாஸிட்டிவ்ஸ்
- ஹரி ஹர வீர மல்லு கதாபாத்திரத்தில் பவன் கல்யாண் சிறப்பாகவே நடித்திருக்கிறார். அவருடைய முந்தைய படங்களில் ஓவர் ஆக்டிங் போல தோன்றும். இந்த படத்தில் தேவையான அளவில் கச்சிதமாக நடித்திருக்கிறார்.
- படத்தில் புது விஷயங்கள் எதுவும் இல்லை என்றாலும் கூட இரண்டரை மணி நேரம் தெலுங்கு படங்களுக்கு உரிய காட்சிகளுடன் அடுத்தடுத்து கதை நகர்கிறது.
- ஆஸ்கர் விருது பெற்ற இசையமைப்பாளர் கீரவாணியின் இசை படத்திற்கு கூடுதல் பலம். ஒவ்வொரு காட்சிக்கும் உயிர் தந்திருக்கிறார்.
- நிதி அகர்வால் குறைவான காட்சிகளுக்கே வந்தாலும் அழகிலும், கவர்ச்சியிலும் விருந்து படைக்கிறார்.
- சத்யராஜ், நாசர், கபிர் துஹான் சிங், சுப்பாராஜு, சுனில் கொடுக்கப்பட்ட வேலையை செய்துள்ளனர்.
ஹரி ஹர வீர மல்லு படத்தின் நெகட்டிவ்ஸ்
- படத்தின் கிராஃபிக்ஸ் காட்சிகள் மிகப்பெரிய பின்னடைவு. செட் அமைத்து எடுத்திருந்தாலும் கூட நன்றாக இருந்திருக்கும். கிராஃபிக்ஸ் காட்சிகள் பெரும் ஏமாற்றம்.
- ஓநாயுடன் ஜாலியாக பேசி வந்த வழி அனுப்புவது துளியும் நம்பும்படி இல்லை.
- முதல் பாதியில் நிதி அகர்வால் பவன் கல்யாணை திட்டமிட்டு ஏமாற்றுகிறார். அதை கொஞ்சம் தெளிவாக காட்சிப்படுத்தியிருக்கலாம்.
- இரண்டு பாகங்களாக வெளியிட வேண்டும் என்ற முடிவோடு இப்படத்தை எடுத்திருப்பதால் பாபி தியோலுக்கு வேலை இல்லாமல் போய்விட்டது.
- சண்டை காட்சிகளில் கூடுதல் கவனம் செலுத்தி இருக்கலாம்.
ஹரி ஹர வீரமல்லு ரேட்டிங் - 3 / 5
இணையத்தில் உலாவும் விமர்சனங்கள் அளவுக்கு படம் மோசமாக இல்லை. உண்மையை சொன்னால் சிலருக்கு கசக்கும் என்பதற்காக படத்திற்கு முத்திரை குத்த முயல்கின்றனர். இந்தியாவில் ஏராளமான கோவில்கள் எந்த காலக்கட்டத்தில் அழிக்கப்பட்டவை என எல்லோரும் அறிவர். படத்தை படமாக பாருங்கள்...
மொத்தத்தில் ஹரி ஹரி வீர மல்லு லாஜிக் இன்றி ரசித்து பார்க்க கூடிய தெலுங்கு படமே.
Take charge of your wellness journey—download the HerZindagi app for daily updates on fitness, beauty, and a healthy lifestyle!
Comments
எல்லா கருத்துகளும் (0)
Join the conversation