காஞ்சிபுரம் முதல் ஆர்கன்சா வரை; தீபாவளிக்கு டிரெண்டிங் பட்டுப்புடவைகள் இவை தான்!

தீபாளிக்கு அசத்தலான பட்டுப்புடவைகளின் லிஸ்ட்:

தீபாவளிக்கு சரியான ஆடைகளைத் தேர்ந்தெடுப்பதில் சேலைகள் எப்போதுமே முதலிடம் பிடிக்கின்றன.. என்ன தான் பட்டாசுகள் மற்றும் இனிப்புகளுடன் தீபாவளியைக் கொண்டாடினாலும் வழிபாடுகளும் வீட்டில் மேற்கொள்ளப்படும் என்பதால் அந்த நேரத்தில் புடவைகள் கட்ட வேண்டும் என்ற மனநிலையைப் பெண்கள் பெற்றுவிடுகின்றனர். இதற்கு சிறந்த தேர்வாகவும் எப்போதும் முதலிடத்தில் இருப்பது காஞ்சிபுரம் பட்டுப்புடவைகள்.

சாந்தேரி புடவைகள்:

நேர்த்தியான மற்றும் இலகுரக சேலைகளை வாங்க வேண்டும் என்று நினைப்பவர்கள் சாந்தேரி புடவைகளைத் தேர்வு செய்யலாம். இயற்கையால் ஈர்க்கப்பட்ட நுட்பமான வடிவமைப்புகளுடன் வரக்கூடிய இந்த புடவைகள் இக்காலத்து பெண்களுக்கு ஏற்றதாகவும் அமைகிறது. வட இந்தியாவில் மிகவும் பிரசித்திப் பெற்ற இந்த புடவைகள் தற்போது அனைத்து பகுதிகளில் பெண்களின் விருப்பமான ஒன்றாக உள்ளது.

ஆர்கன்சா பட்டுப்புடவைகள்:

குறைந்த எடையுடன் பெண்கள் விரும்பி வாங்கும் சேலைகளில் ஒன்றாக உள்ளது ஆர்கன்சா பட்டுப்புடவைகள். அனைத்து பார்டிகளுக்கு ஏற்றவாறு அமைந்துள்ள இந்த சேலைகள் பராம்பரியத்தின் அழகை நவீன நேர்த்தியுடன் கொண்டு வருகின்றன. வீட்டில் நடக்கு அனைத்து சுப நிகழ்ச்சிகளுக்கும் ஈஸியாக அணிந்துக்கொள்ளும் வகையில் அமைந்துள்ளது ஆர்கன்சா பட்டுப்புடவைகள்.

மேலும் படிக்க: பண்டிகைக் காலங்களில் உங்கள் கூந்தலை அழகாகவும், ஆரோக்கியமாகவும் வைத்திருப்பது எப்படி?

வாழை நார் புடவைகள்:

பெண்களின் விருப்பமான தேர்வுகளில் சமீப காலங்களாக டிரெண்டிங்கில் உள்ளது வாழை நாட்டு பட்டு சேலைகள். வாழை நாரை நேர்த்தியாக பிரித்தெடுத்து செய்யப்படுகிறது இந்த புடவைகள். மிகவும் லேசாகவும் வெயில் மற்றும் மழை என எந்த பருவக்காலத்திற்கும் ஏற்ற வகையில் இந்த புடவைகள் உள்ளது. கல்லூரி பெண்கள் முதல் வீட்டில் இருக்கும் பெண்கள் வரை இந்த புடவைகளை அதிகளவில் விரும்பி வாங்குகின்றனர். அதற்கேற்ப தற்போது ஆன்லைன் வாயிலாகவும் வாழைநார் பட்டுப்புடவைகள் விற்பனையாகிறது.

மேலும் படிக்க:தீபாவளி பண்டிகைக்குள் இயற்கையான பளபளப்பை பெற இதெல்லாம் செய்யுங்கள்!

Image Source - Google