Hridayapoorvam twitter review: ஓணம் பண்டிகையை முன்னிட்டு மலையாளத்தில் மோகன்லால் நடிப்பில் வெளியாகி இருக்கும் ஹிருதயபூர்வம் திரைப்படத்திற்கு பலரும் நேர்மறையான விமர்சனத்தை தெரிவித்து வருகின்றனர். குறிப்பாக, ஃபீல் குட் சினிமா பாணியில் இந்த திரைப்படம் உருவாக்கப்பட்டிருப்பதாக கூறுகின்றனர்.
மேலும் படிக்க: Coolie ott release: ரஜினிகாந்த் - லோகேஷ் கூட்டணியில் வெளியான கூலி; எந்த ஓடிடியில் எப்போது பார்க்கலாம்?
மலையாளத்தில் முன்னணி நடிகராக வலம் வருபவர் மோகன்லால். இந்த ஆண்டில் ஏற்கனவே இவரது நடிப்பில் வெளியான எம்புரான், துடரும் ஆகிய படங்கள் வணிக ரீதியாகவும், விமர்சன ரீதியாகவும் வெற்றி பெற்றன. இதன் தொடர்ச்சியாக சத்யன் அந்திகாட் இயக்கத்தில் மோகன்லால், மாளவிகா மோகனன், சங்கீத் பிரதாப் ஆகியோர் நடிப்பில் ஹிருதயபூர்வம் என்ற திரைப்படம் இன்று வெளியாகி இருக்கிறது. இந்த திரைப்படத்திற்கும் ரசிகர்கள் இடையே நல்ல வரவேற்பு கிடைத்துள்ளது. இன்று இப்படத்தை பார்த்த ரசிகர்கள் பலரும் தங்கள் விமர்சனத்தை ட்விட்டரில் (எக்ஸ் தளத்தில்) பதிவிட்டு வருகின்றனர்.
அதன்படி ட்விட்டரில் ஒரு பயனர், "இயக்குநர் சத்யன் அந்திகாட் பாணியிலிருந்து சற்று விலகி, மாறிவரும் காலத்திற்கு ஏற்றவாறு, அதே சமயம் அவரது தனித்துவமான முத்திரையுடன் ஹிருதயபூர்வம் உருவாகி இருக்கிறது. இப்படத்தில் ஆங்காங்கே தொய்வுகள் இருந்த போதிலும், மோகன்லாலின் நடிப்பு அவை அனைத்தையும் கடந்து மிகச் சரியாக பொருந்தியுள்ளது" எனக் குறிப்பிட்டுள்ளார்.
#Hridayapoorvam mildly drifts from the classic Sathyan Anthikad formula, adapting to the changing times, while retaining his trademark warmth and humour. Despite the film’s uneven pacing and hints of boomer energy, L carries the film with incredible ease.#Mohanlal's 2025 ♥️🏆♥️ pic.twitter.com/oopHktr2un
— konakona (@kanakonasoman) August 28, 2025
மேலும் படிக்க: Nivetha pethuraj: காதலரை அறிமுகப்படுத்திய நடிகை நிவேதா பெத்துராஜ்; வைரலாகும் புகைப்படம் - ரசிகர்கள் ஆச்சரியம்!
இதேபோல், வருண் என்று பெயரிடப்பட்ட ட்விட்டர் பக்கத்தில் இருந்து, இப்படத்திற்கு நேர்மறையான விமர்சனம் அளிக்கப்பட்டுள்ளது. அதில், "படம் முழுவதும் நகைச்சுவை கலந்த காதல் பாணியில் உருவாக்கப்பட்டுள்ளது. மோகன்லால் மற்றும் சங்கீத் பிரதாப்பின் நடிப்பு பார்ப்பதற்கு மிகவும் புதுமையாக உள்ளது. இளம் தலைமுறையினருக்கு ஏற்ற வகையில் சத்யன் இப்படத்தை இயக்கியுள்ளார். பாடல்கள் மற்றும் படத்தின் இறுதிக் காட்சி வரை அனைத்தும் சிறப்பாக அமைக்கப்பட்டுள்ளது" என்று தெரிவிக்கப்பட்டுள்ளது.
#Hridayapoorvam review
— Varun R 🇮🇳 (@VarunNR_79) August 28, 2025
Fun filled first half and a simple neat rom com second half
Lalettan - Sangeeth prathap combo rocked, Lalettan so refreshing
All songs were good
New gen making by Sathyan
Simple climax
This delightful entertainer will work for all
Hattrick 100 C🏆 pic.twitter.com/M7mZepymxX
மேலும், "ஹிருதயபூர்வம் திரைப்படம் சிறப்பாக அமைந்துள்ளது. சந்தீப் என்ற பாத்திரத்தில் மோகன்லால் மிக அழகாக நடித்துள்ளார். ஃபீல் குட் பாணியில் உருவாகியுள்ள இப்படத்தில் சங்கீத் பிரதாப்பின் நகைச்சுவை மற்றும் மாளவிகாவின் நடிப்பும் சிறப்பாக உள்ளது" என பி.எஸ். நாத் என்ற ட்விட்டர் பக்கத்தில் பதிவிடப்பட்டுள்ளது.
Hridayapoorvam is a beautiful film & Sandeep, played by #Mohanlal is a lovely character! ❤️ The way the character subtly explores his crush was sweet & With this one, you will really 'feel good' 🩷
— P S Nath (@2shambhunath) August 28, 2025
Sangeeth Prathap has impeccable comic timing! Malavika was great.#Hridayapoorvam pic.twitter.com/DLTVuDP4hS
குறிப்பாக, "மோகன்லால் மற்றும் சத்யன் அந்திகாட் ஆகியோரின் வெற்றி கூட்டணியிடமிருந்து ஒரு அழகான மனதை தொடும் படம் வெளியாகி இருக்கிறது. நல்ல வசனங்கள், இயல்பான நகைச்சுவை, மென்மையான உணர்வுகள் மற்றும் இதமான உறவுகள் ஆகியவை இந்தப் படத்தை சீராக மாற்றுகின்றன.
#Hridayapoorvam Review
— What The Fuss (@WhatTheFuss_) August 28, 2025
A sweet, heartwarming film from the evergreen combo of #Mohanlal and Sathyan Anthikadu. Good dialogues, basic humour, subtle elements of emotions, and warm relationships make this a genuinely simple film. Those valuable inputs meant for the modern day… pic.twitter.com/THJJA9Hrq9
மோகன்லால் தனக்கே உரிய பாணியில் நடித்துள்ளார், மேலும், படத்தின் பிற்பகுதியில் சில ஆழமான வசனங்களை பேசுகிறார். அதே நேரத்தில், சங்கீத் பிரதாப் தன்னுடைய நகைச்சுவை வசனங்களில் அசத்துகிறார். எளிமையான மற்றும் இதமான கதைக்களத்தில் படம் அமைந்துள்ளது. குடும்ப உறவுகளை போற்றுவதோடு, பார்வையாளர்கள் அனைவரும் ஒரு புன்னகையுடன் திரையரங்கை விட்டு வெளியேறுவதை இப்படம் உறுதி செய்கிறது" என மற்றொரு ட்விட்டர் பக்கத்தில் பதிவிடப்பட்டுள்ளது.
இந்தக் கட்டுரை உங்களுக்குப் பிடித்திருந்தால், அதைப் பகிரவும் மேலும் இதே போன்ற பிற கட்டுரைகளைப் படிக்க Her Zindagi உடன் இணைந்திருங்கள்.
Image Credit: Twitter
Herzindagi video
உங்களைப்போலவே, உங்கள் சருமமும், உடலும் வித்தியாசமானது. எங்களின் பதிவுகள் மூலமாகவும், சமூக ஊடக சேனல்கள் மூலமாகவும் பகிரப்படுபவை யாவும் நம்பத்தகுந்ததாகவும், நிபுணர்களால் சரிபார்க்கப்பட்டதாகவும் இருப்பதை உறுதி செய்ய அனைத்து நடவடிக்கைகளையும் எடுக்கிறோம். இருப்பினும், எந்தவொரு வீட்டு வைத்தியம், டிப்ஸ் அல்லது ஃபிட்னஸ் டிப்ஸ் போன்றவற்றை முயல்வதற்கு முன்பு மருத்துவரின் ஆலோசனை அவசியம். ஏதேனும் கருத்து தெரிவிப்பதற்கு அல்லது புகார்களுக்கு எங்களை தொடர்புக்கொள்ளவும். [email protected]