முகம் தங்கம் போல் ஜொலிப்பதற்கு பச்சை பால் மட்டும் போதும்!

பால் போன்ற வெள்ளையான சருமம் வேண்டும் என்று நினைக்கும் பெண்கள் தங்களது முகத்தைப் பராமரிக்க பல மெனக்கெடுவார்கள். இதற்காக சந்தைகளில் விற்பனையாகும் பல விதமான அழகு சாதனப் பொருள்களை ஒவ்வொன்றாக வாங்கி உபயோகித்தால் அந்தளவிற்கு சரும பொலிவைப் பெற முடியாது. எவ்வித கெமிக்கல் இல்லாமல் உங்களது முகத்தைப் பொலிவுடன் வைத்திருக்க பச்சை பாலை பல்வேறு வழிகளில் பயன்படுத்தலாம் என அழகுக்கலை நிபுணர்கள் தெரிவிக்கின்றனர். 

மேலும் படிக்க: ஆரோக்கியமான கூந்தலைப் பெறுவதற்கு முந்திரி உதவுமா?

பாலில் உள்ள ஊட்டச்சத்துக்கள்.

பாலில் உள்ள ஹைட்ராக்சி அமிலங்கள், கால்சியம், வைட்டமின் பி போன்ற ஊட்டச்சத்துக்கள் சருமத்தை எப்போதும் பொலிவுடன் வைத்திருக்க உதவியாக இருக்கும். நமது சருமத்தில் கெமிக்கல் பயன்பாடு இல்லாமல் இயற்கையாகவே சுத்தம் செய்ய வேண்டும் என்றால் பால் சிறந்த தேர்வாக அமையும். முகத்தை இயற்யைாக சுத்தம் செய்யக்கூடிய க்ளென்சிங் பண்புகள் உள்ளதால் சருமத்தில் இறந்த செல்களை அகற்ற உதவுகிறது. மேலும்அதிகளவு செயற்கை அழகு சாதனப் பொருள்களைப் பயன்படுத்துவதால், விரைவில் முக சுருக்கம் ஏற்பட்டு வயதானத் தோற்றத்தைப் பெற்றுவிடுவோம். இதைத் தவிர்ப்பதற்குத் தேவையான கொலாஜன் உற்பத்தி பாலில் உள்ளதால் சருமத்தை எப்போதும் இளமையாக வைத்திருக்க உதவியாக இருக்கும்.

எப்படி பயன்படுத்தலாம்?

• பச்சைப் பாலை தினமும் இரவில் முகத்தில் தடவலாம். இதில் உள்ள ஊட்டச்சத்துக்கள் முகத்தைப் பொலிவுடன் வைத்திருக்க உதவியாக இருக்கும். இல்லையென்றால் முல்தானி மெட்டியுடன் பச்சைப் பாலை கலந்து முகத்தில் தடவி வர முகத்தில் படிந்துள்ள அழுக்குகள் மற்றும் இறந்த செல்களை நீக்குவதற்கு உதவியாக இருக்கும். மேலும் கரும்புள்ளிகள், முகப்பரு பிரச்சனைகளைத் தடுக்கவும் உதவும். பச்சைப் பாலுடன் மஞ்சள் கலந்து தடவலாம். இதில் உள்ள பாக்டீரிய எதிர்ப்புப் பண்புகள் சரும பிரச்சனைகளை நீங்க உதவுகிறது. 
• கடலை மாவு மற்றும் பச்சை பால்  இரண்டையும் கலந்து முகத்தில் தடவ வேண்டும். இதில் உள்ள ஊட்டச்சத்துக்கள் சருமத்தை சீராக்குவதற்கு உதவுகிறது.  மேலும் பொலிவிழந்து காணப்படும் சருமத்தை மிகவும் பளபளப்புடன் வைத்திருக்க வேண்டும் என்றால், பச்சை பாலுடன் தேன்  கலந்து முகத்தில் தடவ வேண்டும். இதில் உள்ள அழற்சி எதிர்ப்பு பண்புகள் மற்றும் வைட்டமின்கள் முகத்தில் படிந்துள்ள அழுக்குகளை நீக்கவும், இறந்த செல்களை அகற்றி முகத்தை எப்போதும் பொலிவுடன் வைத்திருக்க முடியும்.

மேலும் படிக்க: கழுத்தில் கருப்பா இருக்கா? சரி செய்வதற்கான வீட்டு வைத்தியம் இது தான்!

• இந்த அழகுக்குறிப்புகளை வாரத்திற்கு இருமுறையாவது தொடர்ச்சியாக பயன்படுத்த வேண்டும். ஒருவேளை உங்களால் பாலுடன் வேறு எந்த இயற்கை அழகு சாதனப் பொருள்களைப் பயன்படுத்த முடியவில்லை என்றால். பச்சை பாலை மட்டுமாவது தினமும் இரவில் தேய்த்து 15 நிமிடங்களுக்குப் பின்னதாக குளிர்ந்த நீரால் முகத்தைக் கழுவ வேண்டும். இதே போன்று தொடர்ச்சியாக நீங்கள் செய்து வரும் போது பால் போன்ற வெள்ளையான சருமத்தைக் கண்டிப்பாக நீங்கள் பெற முடியும்.

Image Source - Google