அழகான வில் போன்ற புருவம் வேண்டுமா? பைசா செலவில்லாமல் இந்த இயற்கை வைத்தியங்களை ட்ரை பண்ணுங்க

பெண்கள் பலருக்கும் புருவங்கள் தான் முகத்தின் அழகை மிகவும் கவர்ச்சிகரமாக்குகின்றன. உண்மையில், கண்களும் புருவங்களுமே ஒரு பெண்ணின் அழகுக்கு முக்கிய அணிகலன்கள். கவிதைகளிலும், பாடல்களிலும் கண்களின் அழகைப் பற்றியே அதிகம் பேசப்படுகிறது. இந்த அழகை மேலும் வெளிப்படுத்தும் புருவங்களை சரியாக பராமரிப்பது மிகவும் முக்கியம். கருப்பான அடர்த்தியான புருவங்கள் இருந்தால், முகம் இயற்கையாகவே பிரகாசிக்கும். ஆனால், முறையற்ற பராமரிப்பு, ஊட்டச்சத்து குறைபாடு அல்லது மரபணு காரணங்களால் சிலருக்கு புருவங்கள் மெல்லியதாகவோ அல்லது வெளுத்தோ தோன்றலாம். இனி பார்லருக்கு சென்று பணம் செலவு இல்லாமல் இதற்கு வீட்டில் எளிதாக செய்யக்கூடிய சில வைத்தியங்களைப் பற்றி இந்த கட்டுரையில் பார்க்கலாம்.  

குங்குமப்பூ எண்ணெய்:

குங்குமப்பூ எண்ணெய் புருவங்களின் வளர்ச்சியைத் தூண்டும். இது புருவங்களை கருப்பாகவும் அடர்த்தியாகவும் மாற்ற உதவுகிறது.

பயன்படுத்தும் முறை:

• ஒரு சொட்டு குங்குமப்பூ எண்ணெயை எடுத்து, பஞ்சில் நனைத்து புருவங்களில் தடவவும்.
• இரவில் பூசி விட்டு, மறுநாள் காலையில் கழுவவும்.
• இதை வாரத்திற்கு 3 அல்லது 4 முறை செய்யவும்.

தேங்காய் எண்ணெய்:

தேங்காய் எண்ணெய் புருவங்களின் தடிமனை அதிகரிக்கும் மற்றும் முடி வளர்ச்சியை ஊக்குவிக்கிறது.

பயன்படுத்தும் முறை:

• இரவு தூங்குவதற்கு முன்பு சிறிது தேங்காய் எண்ணெய் எடுத்து புருவங்களில் 30 நிமிடம் பூசி விட்டு, பின்பு தண்ணீரால் கழுவவும்.
• இதை வாரத்திற்கு 2 முறை பயன்படுத்தவும்.

எலுமிச்சை சாறு:

எலுமிச்சை சாறு புருவங்களின் வளர்ச்சியை வேகப்படுத்துகிறது. இது புருவங்களை கருப்பாகவும் உறுதியாகவும் ஆக்குகிறது.

பயன்படுத்தும் முறை:

• ஒரு துளி எலுமிச்சை சாறை பஞ்சு மூலம் புருவங்களில் பூசவும்.
• 15-20 நிமிடம் விட்டுவிட்டு, பிறகு தண்ணீரால் கழுவவும்.
• இதை வாரத்திற்கு 2 முறை செய்யலாம்.

தேன் மற்றும் ஆலிவ் எண்ணெய்:

தேன் மற்றும் ஆலிவ் எண்ணெய் இணைந்து புருவங்களுக்கு ஊட்டச்சத்தை அளிக்கிறது. இது முடி கொட்டாமல் பாதுகாக்கும்.

பயன்படுத்தும் முறை:

• ஒரு தேக்கரண்டி தேன் மற்றும் ஒரு தேக்கரண்டி ஆலிவ் எண்ணெய் கலந்து, புருவங்களில் பூசவும்.
• 20 நிமிடம் விட்டுவிட்டு, லேசான சோப்பு நீரில் கழுவவும்.
• இதை வாரத்திற்கு 2-3 முறை பயன்படுத்தலாம்.

வெண்ணெய் (நெய்):

வெண்ணெய் புருவங்களின் இயற்கையான மென்மையை பராமரிக்கிறது. இது புருவ முடியை வலுப்படுத்துகிறது.

பயன்படுத்தும் முறை:

• சிறிது வெண்ணெயை விரல்களால் எடுத்து புருவங்களில் பூசவும்.
• இரவு முழுவதும் விட்டுவிட்டு, மறுநாள் கழுவவும்.
• இதை தினமும் செய்யலாம்.

மேலும் படிக்க: அழகான ஜொலிக்கும் முகம் வேண்டுமா? இரவில் பாதாம் எண்ணெயை இப்படி யூஸ் பண்ணுங்க

அந்த வரிசையில் இந்த வீட்டு வைத்தியங்களை தொடர்ந்து பயன்படுத்தினால், புருவங்கள் கருப்பாகவும் அடர்த்தியாகவும் மாறும். எந்தவொரு எண்ணெய் அல்லது பொருளும் கண்களில் படாமல் பார்த்துக்கொள்ளவும். இந்த வைத்தியங்களை பயன்படுத்தும் போது ஏதேனும் அலர்ஜி ஏற்பட்டால் உடனே மருத்துவரை அணுகுவது நல்லது. 

Image source: google