Bridal Face Pack: திருமணத்தில் அழகாகத் தெரியவேண்டுமா? வீட்டிலேயே அழகுப்படுத்த இந்த பேஸ் பேக் போடுங்கள்!

திருமணத்தில் மற்றவர்களை விட அழகாகத் தெரிய வேண்டும் என்பதற்காக இக்காலத்துப் பெண்கள் அழகு நிலையங்களுக்குச் சென்று விதவிதமாக தங்களை அழகாக்கிக் கொள்ள முயற்சி செய்கிறார்கள். இதில் ஒரு சிலருக்கு ஒவ்வாமை காரணமாக சருமத்தில் அலர்ஜி, முகம் சிவப்பாகுதல் போன்ற பல பிரச்சனைகளைச் சந்திக்கிறார்கள். இதுப்போன்ற பிரச்சனைகளைத் தவிர்த்து இயற்கையான முறையில் முகத்தை எப்போதும் பொலிவாக வைத்திருக்க வேண்டும் என்று நினைத்தால், திருமணத்திற்கு ஒரு வார காலத்திற்கு முன்னதாகவே வீட்டில் உள்ள அத்தியாவசிய பொருட்களைப் பயன்படுத்தி முகத்தை பளபளப்புடன் வைத்திருக்க முடியும்.

திருமணத்திற்கான பேசியல் பேஸ் பேக்:

கெமிக்கல் நிறைந்த பேசியல்களை உபயோகிப்பதற்குப் பதிலாக வீட்டில் உள்ள கடலைமாவைப் பயன்படுத்தலாம். இதற்கு தேவையான பொருட்கள் இங்கே.

• கடலை மாவு - 3 தேக்கரண்டி
• மஞ்சள் தூள் - சிறிதளவு
• காபி தூள் - அரை தேக்கரண்டி
• சர்க்கரை - 4 தேக்கரண்டி
• தேங்காய் எண்ணெய் அல்லது ஆலிவ் எண்ணெய் - 2 தேக்கரண்டி
• தேன் - சிறிதளவு
• ரோஸ் வாட்டர் - சிறிதளவு

மேலும் படிக்க: Butter For skin: முக பொலிவிற்கு எப்படியெல்லாம் வெண்ணெய்யைப் பயன்படுத்தலாம் தெரியுமா?

பேஸ் பேக் தயாரிக்கும் முறை:

• திருமணத்திற்கு முன்னதாக வீட்டில் தயாரித்துச் செய்யப்படும் பேஸ் பேக் செய்வதற்கு முதலில் மேற்கூறியுள்ள பொருட்களை எடுத்துக் கொள்ளவும்.
• பின்னர் ஒரு சிறிய பாத்திரத்தில் கடலை மாவு, மஞ்சள் தூள், காபி தூள் மற்றும் சர்க்கரை போன்றவற்றைச் சேர்த்து நன்கு கலந்து விடவும்.
• அதனுடன் தேங்காய் எண்ணெய் அல்லது ஆலிவ் எண்ணெய் சேர்த்து கட்டி இல்லாமல் பிசைந்துக் கொள்ளவும்.

மேலும் படிக்க: Hair Care Tips: கூந்தல் வளர்ச்சிக்கு எண்ணெய்; வாரத்திற்கு எத்தனை முறை பயன்படுத்தினால் சிறந்த பலன் கிடைக்கும்?

• இவை அனைத்தும் நன்கு கலந்த பின்னதாக இதனுடன் தேன் கலந்துக் கொள்ளவும். இறுதியாக பேஸ் பேக் பதத்திற்கு வரும் வரை ரோஸ் வாட்டர் சேர்த்து பிசைந்துக் கொண்டால் போதும் கெமிக்கல் இல்லாத பேஸ் பேக் ரெடி.
• இதை முகம் மற்றும் கழுத்துப் பகுதிகளில் தேய்த்துவிட்டு அரை மணி நேரத்திற்குப் பின்னதாக குளிர்ந்த நீரால் நன்கு கழுவிக் கொள்ளவும். திருமணத்திற்கு சில வாரங்களுக்கு முன்னதாக வாரத்திற்கு இருமுறை பயன்படுத்தலாம். இதில் உள்ள அத்தியாவசிய ஊட்டச்சத்துக்கள் சருமத்தை பொலிவாக்க உதவியாக இருக்கும்.
• இதோடு மட்டுமின்றி ஆரோக்கியமான உணவு மற்றும் போதுமான அளவு தண்ணீர் அருந்தும் போது உடலில் நீர்ச்சத்துக்கள் குறையாமல் சருமத்தைப் பொலிவுடன் வைத்திருக்க உதவுகிறது.

Image source - Freepik