கூந்தல் வளர்ச்சியை இயற்கையாக அதிகரிக்க உதவும் ஹோம்மேட் ரோஸ்மேரி ஹேர் சீரம்

இயற்கையான முறையில் கூந்தலை பராமரிக்க ரோஸ்மேரி (Rosemary) ஒரு அற்புதமான மூலிகை. இது உச்சந்தலையில் ரத்த ஓட்டத்தை அதிகரித்து, முடியின் வேர்க்கால்களை தூண்டி, முடி வளர்ச்சியை ஊக்குவிக்கிறது. இரசாயனம் கலந்த பொருட்களை தவிர்த்து, வீட்டிலேயே இந்த எளிய முறையில் ரோஸ்மேரி ஹேர் சீரம் தயாரித்து ஆரோக்கியமான கூந்தலை பெறலாம்.

மேலும் படிக்க: Korean hair care: இளம் தலைமுறையினர் விரும்பும் கொரியன் ஹேர் ஸ்டைல் வேண்டுமா? இந்த டிப்ஸை ஃபாலோ பண்ணுங்க

தேவையான பொருட்கள்:

ஒன்றரை கப் தேங்காய் எண்ணெய்,

ரோஸ்மேரி எண்ணெய்: 8-10 துளிகள்,

புதினா எண்ணெய்: 2-3 துளிகள்.

ரோஸ்மேரி ஹேர் சீரம் தயாரிக்கும் முறை:

முதலில் ஒன்றரை கப் தேங்காய் எண்ணெய்யை ஒரு பாத்திரத்தில் எடுத்துக் கொள்ளவும். இதுவே சீரத்தின் அடிப்படை பொருளாக செயல்படுகிறது. அடுத்து, இந்த எண்ணெய்யுடன் 8 முதல் 10 துளிகள் சுத்தமான ரோஸ்மேரி எண்ணெய்யை சேர்க்கவும். கூடுதல் நன்மைக்காக, 2 முதல் 3 துளிகள் புதினா எண்ணெய்யை சேர்க்கலாம். இது ரோஸ்மேரியுடன் இணைந்து முடியின் வேர்க்கால்களை மேலும் ஆற்றலுடன் தூண்டும்.

மேலும் படிக்க: மழைக்காலத்தில் கூந்தல் சார்ந்த பிரச்சனைகளை தடுக்க உதவும் சத்தான உணவுகள்

இந்த எண்ணெய் கலவையை அடுப்பில் வைத்து மிகவும் லேசாக சூடாக்கவும். இது பொருட்கள் அனைத்தும் நன்றாக கலந்து, அவற்றின் ஆற்றல் அதிகரிக்க உதவும். இவ்வாறு செய்த பின்னர், எண்ணெய்யை ஒரு கண்ணாடி பாட்டிலில் ஊற்றி வைக்கவும்.

சீரத்தை பயன்படுத்தும் முறை:

சில துளிகள் சீரத்தை நேரடியாக உங்கள் உச்சந்தலையில் தேய்க்க வேண்டும். குறிப்பாக, வட்ட வடிவில் மெதுவாக 5-10 நிமிடங்கள் வரை மசாஜ் செய்யவும். இது எண்ணெய் முடியின் வேர்க்கால்களில் நன்கு உறிஞ்சப்பட உதவும். இதன் பின்னர், எண்ணெய்யை இரவு முழுவதும் அல்லது குறைந்தது ஒரு மணி நேரம் தலையில் ஊறவிடவும். பின்னர், மிதமான ஷாம்பூ கொண்டு குளிக்கலாம். சிறந்த பலன்களுக்கு வாரத்திற்கு 2-3 முறை இதை தொடர்ந்து செய்யவும்.

இந்தக் கட்டுரை உங்களுக்குப் பிடித்திருந்தால், அதைப் பகிரவும் மேலும் இதே போன்ற பிற கட்டுரைகளைப் படிக்க Her Zindagi உடன் இணைந்திருங்கள்.

Image Credit: Freepik