ஹோட்டல் ஸ்டைலில் சுவையான, ஊட்டச்சத்துமிக்க காளான் பூண்டு கறி செய்வது எப்படி?

காளான் பூண்டு கறி சாப்பிட மிக சுவையாக இருக்கும். இதனை மாலை நேர ஸ்நாக்ஸ் ஆகவும் சாப்பிடலாம். இதை சுலபமாக வீட்டிலேயே எப்படி செய்வது என்று இப்போது பார்ப்போம்.

தேவையான பொருட்கள்

• காளான்- 400 கிராம்
• பூண்டு- 25-30 பெரிய பல் (மசித்தது)
• வெங்காயம்- 1 நடுத்தர அளவு (நறுக்கியது)
• சில்லி ஃப்ளேக்ஸ்- 1 டீஸ்பூன்
• மிளகு தூள்- 1 டீஸ்பூன்
• வெள்ளை வினிகர்- 1 டீஸ்பூன்
• உப்பு- சுவைக்கேற்ப
• வெண்ணெய் - 50 கிராம்
• எண்ணெய்- 2-3 டீஸ்பூன்
• பச்சை கொத்தமல்லி- 2 டீஸ்பூன் (நறுக்கியது)

ஸ்டெப் 1

முதலில், காளான்களை நன்றாக கழுவி, 2-3 துண்டுகளாக நறுக்கி, ஒரு கிண்ணத்தில் போட்டு வைக்கவும்.

ஸ்டெப் 2

இப்போது, ஒரு கடாயை அடுப்பில் வைத்து சூடான பிறகு அதில் வெண்ணெய் மற்றும் எண்ணெய் சேர்க்கவும். வெண்ணெய் உருகியதும், அதில் நறுக்கிய வெங்காயத்தை சேர்க்கவும்.

ஸ்டெப் 3

வெங்காயம் வதங்கியதும், அதில் நறுக்கிய காளான்களை சேர்த்து, 2 முதல் 3 நிமிடங்களுக்கு அடுப்பை அதிக சூட்டில் வைத்து வதக்கவும்.

ஸ்டெப் 4

அதன் பிறகு, அடுப்பை குறைத்து, காளான்களை மூடி வைத்து 6-8 நிமிடங்களுக்கு நன்றாக வேக வைக்கவும். இப்போது காளான்கள் நன்றாக வெந்திருக்கும்.

ஸ்டெப் 5

இப்போது அதில் மசித்த பூண்டு சேர்த்து, நன்றாக கிளறி விடவும். பிறகு சிறிது நேரம் வதக்கி விட்டு, உப்பு, சில்லி ஃப்ளேக்ஸ், மிளகு தூள் சேர்த்து மீண்டும் கிளறவும்.

பரிமாறுதல்

அதன்பிறகு வெள்ளை வினிகர் மற்றும் நறுக்கிய கொத்தமல்லி சேர்த்து 4-6 நிமிடங்கள் வதக்க வேண்டும். இதோ காளான் பூண்டு கறி ரெடி. இதனை சப்பாத்தியுடன் சூடாக பரிமாறலாம்.

இந்த பதிவு உங்களுக்கு பிடித்திருந்தால் லைக் செய்து, பகிருங்கள். மேலும் இது போன்ற தகவல்களுக்கு, ஹெர்ஷிந்தகி தமிழ் பக்கத்தோடு தொடர்ந்து இணைந்திருக்கவும்.