tomato benefits: உங்களுக்கு ஆரோக்கியம் மற்றும் அழகு என இரண்டையும் அள்ளித்தரும் தக்காளி ஜூஸ் பற்றி அறிவீரா!!!

தக்காளியில் வைட்டமின்-A, வைட்டமின்-C, நார்ச்சத்து, ஃபோலேட் மற்றும் கால்சியம் போன்ற பல ஊட்டச்சத்துகள் நிறைந்துள்ளன. இவை ஆரோக்கியத்திற்கும், சருமத்திற்கும் மிகவும் நன்மை தரக்கூடியவை. தக்காளி ஜூஸை குடிப்பதால் கிடைக்கும் நன்மைகளை பற்றி இங்கே தெரிந்து கொள்ளலாம் வாருங்கள்.

உடல் எடையை குறைக்கும்

தக்காளியில் உள்ள கரையாத நார்ச்சத்து உடலில் இருக்கும் கொழுப்பை எரிக்க உதவுகிறது. இதனால் உடல் எடையை குறைக்க தக்காளி ஜூஸை குடித்து வரலாம்.

எதிர்ப்பு சக்தி அதிகரிக்கும்

தக்காளியில் வைட்டமின்- K மற்றும் லைகோபீன் போன்ற ஊட்டச்சத்து உள்ளது. இது நோய் எதிர்ப்பு சக்தியை வலுப்படுத்த உதவுகிறது. அதனால் தக்காளியை கட்டாயம் உணவில் சேர்த்து கொள்ளவும்.

சுருக்கங்களை போக்கும்

தக்காளியில் இருக்கும் கரோட்டினாய்டு, வயதான தோற்றம் தெரிவதை தடுக்க உதவுகிறது. தக்காளி ஜூஸை உணவில் சேர்த்து கொள்வதன் மூலம், முதுமையால் ஏற்படும் சுருக்கங்களில் இருந்து விடுபடலாம்.

தோல் பிரச்சனைகளை நீக்கும்

தக்காளி ஜூஸ் பருக்கள், திட்டுக்கள் போன்ற தோல் தொடர்பான பிரச்சனைகளை சரிசெய்ய உதவுகிறது. தக்காளியை ஜூஸாகவும் குடிக்கலாம், பேஸ் பேக் ஆகவும் பயன்படுத்தலாம்.

மன அழுத்தத்தை குறைக்கும்

தக்காளியில் உள்ள லைகோபீன் என்ற ஆன்டி ஆக்சிடன்ட் பெண்களுக்கு பல நன்மைகளை தருகிறது. இது மாதவிடாய் நின்ற பிறகு ஏற்படும் மன அழுத்தம், பதட்டம் மற்றும் மனச்சோர்வை போக்கவும் உதவுகிறது.

சர்க்கரை வியாதியை கட்டுப்படுத்தும்

தக்காளியில் உள்ள கரோட்டின், பொட்டாசியம், வைட்டமின்-C, ஃபிளாவனாய்டு, ஃபோலேட் மற்றும் வைட்டமின்-E போன்ற ஊட்டச்சத்துகள் சர்க்கரை வியாதியை கட்டுப்படுத்த உதவுகின்றன.

கண்களுக்கு நன்மை தரும்

தக்காளி ஜூஸில் வைட்டமின்-C அதிக அளவில் உள்ளது, இது கண்களுக்கு பல நன்மைகளை வழங்குகிறது. உங்கள் உணவு முறையில் தக்காளி ஜூஸை சேர்த்து கொள்ளுங்கள். இதனால் உங்களின் கண்கள் ஆரோக்கியமாக இருக்கும்.

இந்த தகவல் உங்களுக்கு நிச்சயம் பயனுள்ளதாக இருந்திருக்குமென நம்புகிறோம். இந்த பதிவு பிறருக்கும் பயன்பெற இதனை பகிரலாமே. மேலும் லைக் செய்யவும். ஹெர்ஷிந்தகி தமிழ் பக்கத்தில் இணைவதன் மூலமாக தொடர்ந்து பயனுள்ள பதிவை காணலாம்.