சரும வறட்சியை போக்கும் எண்ணெய்கள் இவை தான் தெரியுமா!

குளிர்காலத்தில், சருமம் வறண்டு போவதை தவிர்க்க முடியாது. இதனால், சருமம் தொடர்பான வேறுபல பிரச்சனைகளும் ஏற்படுகின்றன. உயிரற்ற வறண்ட சருமத்தை பராமரிக்க உதவும் சில எண்ணெய்கள் பற்றி தெரிந்துகொள்ளுங்கள்.

ஆலிவ் எண்ணெய்

இறந்த செல்கள் நீங்கி, புதிய செல்கள் உருவாக ஆலிவ் எண்ணெய் பயன்படுத்துங்கள். இதனை முகத்தில் தடவினால், சருமம் வறண்டு போகாது, மேலும் மென்மையாகவும் மாறும்.

பாதாம் எண்ணெய்

குளித்து முடித்தபிறகு உடலில் பாதாம் எண்ணெய் தடவி வந்தால், சரும வறட்சி நீங்கும். இதனைத் தடவுவதால் சருமம் நீண்ட நேரத்திற்கு ஈரத்தன்மையுடன் இருக்கும்.

நல்லெண்ணெய்

சுட வைத்த நல்லெண்ணெயை, உங்கள் கை விரல்களைக் கொண்டு முகத்தில் தடவவும். இவ்வாறு செய்வதால் சருமத்தில் வறட்சி ஏற்படாமல், ஈரத்தன்மையுடன் இருக்கும்.

தேங்காய் எண்ணெய்

தேங்காய் எண்ணெயில் பூஞ்சை எதிர்ப்பு மற்றும் பாக்டீரியா எதிர்ப்புப் பண்புகள் உள்ளன. குளித்தபிறகு இதனை உடலில் தடவினால், சருமம் நாள் முழுவதும் ஈர தன்மையுடன் இருக்கும்.

கடுகு எண்ணெய்

ஒன்று அல்லது இரண்டு சொட்டு கடுகு எண்ணெயை முகத்திலும், வறண்ட சரும பகுதிகளிலும் தடவி, சிறிது நேரம் கழித்து முகத்தைக் கழுவவும். இது பொலிவற்ற மற்றும் வறண்ட சரும பிரச்சனையை நீக்கிவிடும்.

அவகேடோ எண்ணெய்

இந்த எண்ணெயில் ஒமேகா 3 கொழுப்பு அமிலம் மற்றும் வைட்டமின் E உள்ளது. இதனை கைகளிலும், கால்களிலும் தடவினால், சருமம் வறண்டு போகாமல் இருக்கும்.

ஜொஜோபா எண்ணெய்

வெதுவெதுப்பான நீரில் முகத்தைக் கழுவிய பிறகு இந்த எண்ணெயை முகத்தில் தடவவும். இதனை வாரத்திற்கு இரண்டு முறை பயன்படுத்தினால், சருமம் வறண்டு போகாமல் இருக்கும்.

குளிர்காலத்தில் உங்கள் சருமம் வறண்டு போவதை தடுக்க, இந்த எண்ணெய்களை பயன்படுத்துங்கள். இந்த பதிவு உங்களுக்கு பிடித்திருந்தால் லைக் செய்து, பகிருங்கள். மேலும் இது போன்ற தகவல்களுக்கு, ஹெர்ஷிந்தகி தமிழ் பக்கத்தோடு தொடர்ந்து இணைந்திருங்கள்.